الشبح 4

ياسمين دخلت اتصدمت من إللي شافتو
لقت جنينه قصر ناصر من دخله الباب كلها ورد وشموع وكل متخطي مكتوب في الارض إسمها لحد ما وصلت جوه مكان ما الناس كلها واقفه حطت أيدها علي بوقها لما شافت الكلمه المكتوبه بالهيليوم(♥️ I LOVE YOU YASMIN)
تنحت وبصت قدامها لاقت ناصر جاي نحيتها بوكيه الورد وهو بيبتسم بصت من غير ما ناصر ياخد باله علي ايمن لاقت ايمن متنح هو كمان علشان مكنش يعرف إن ناصر هيعمل كده بالسرعه دي بس فرح من جواه علشان الخطه بتمشي من غير ما يعملو فيها أي مجهود زياده وفضل متابع بصمت
ياسمين بلعت ريقها بصعوبه وحاولت الابتسامه : أي إيه ده كلو أنا اتفاجأت من كل ده
ناصر بأبتسامه خبث وبيديها بوكيه الورد: إيه رأيك في المفاجأه دي ياسمين إنا بحبك وعايزك تبقي مراتي
ياسمين اتصدمت بس مش اوي علشان عارفه ان كل ده لعبه منو وانو يونس قالها علي كل حاجه هيعملها ناصر
ياسمين حطت أيدها علي بوقها بصدمه مصطنعة : إنت إنت فاجأتني يا ناصر انا مكنتش متخيله انك تحبني انا ضمن كل البنات دي وكانت بتشاور على بنات الحفله إللي بيبصو ليها بغيظ وهي بصت ليهم من تحت لفوق ورجعت بصت لناصر تآني
ناصر بأبتسامه : طبعا يا ياسمنتي هو آنتي أي حد دانتي إللي قدرتي تاخدي قلبي وتديلو أمل بعد ما كان ميت

ياسمين ابتسمت بكسوف مصطنع قالت في نفسها : وربنا لو مكنش تمثيل كنت قولت انو بجد يا بن الممثله بس الديكورات جميله آوي آه ليه مش حقيقي بس مش مع المعفن ده مع حبيبي آه يا حبيبي
صوت ناصر فوقها من سرحانها
ناصر : ياسمين رحتي فين
ياسمين فاقت : ها ها موجوده أهو
ناصر أبتسم وطلع خاتم من جيبه وقعد على ركبو وقال : تقبلي تبقي شريكه حياتي وأعلن الخطوبه دلوقتي
ياسمين اتصدمت المرادي بجد لأن مفيش حد عمل كده قبل كده معاها
ياسمين فضلت متنحه وفاتحه بوقها ناصر فضل يفوق فيها : ياسمين ياسمنتي
ياسمين فاقت وقالت بتوتر: ها ها آاه معاك معاك كنت بتقول إيه
ناصر متكلمش بس خد أيدها ولبسها الخاتم وباس أيدها وقام الكل سقف
ياسمين اتصدمت لما بأس أيدها ولبسها الخاتم وراحت بصت علي الخاتم شافته شكله حلو آوي بس عارفه إن ده من تمثيل ناصر اتنهد كان نفسها تلبسو بس من حبيبها
ناصر مد أيده ليها : تسمحيلي بالرقصه دي ياسمين بصت علي أيده وبعدين بصت علي ايمن ايمن شاور براسه بمعنى روحي
ياسمين حطت أيدها في أيد ناصر بتوتر وراحت ترقص معاه إشتغلت اغنيه (وحشتيني بتاعه عمرو دياب)

ياسمين حطت أيد علي كتف ناصر وايد في أيده وناصر حاطت أيد علي وسطها وايد في ايدها وراقصو
ناصر في نص الرقصه قال : بعد شهر هكتب عليكي ونسافر نقضي الهاني مون في روسيا
ياسمين اتصدمت إن خلاص كده قربو يوصلو للنهايه وبقي قلبها يدق وقالت : ليه كده متخليها بعد شهرين مثلا علشان أعرف اجهز حاجتي
ناصر ابتسم : مفيش حاجه هتجيبها كل حاجه هتبقي جاهزه ليكي دانتي هتبقي مرات ناصر الصاوي أكبر رجل اعمال في الشرق الاوسط لازم تبقي ملكه
ياسمين بصتله وبعدين هزت راسها بمعني ماشي
خلصو الرقصه والكل سقف ليهم وبعدين ياسمين استأذنت تخش الحمام
راحت الحمام ايمن راح وراها
ياسمين : شوفت شوفت أهو الواد مستعجل مستعجل ابن الورمه علشان يبعنى قطع غيار
ايمن : اهدي يا ياسمين كل حاجه ماشيه زي ما رسمنا خطتنا
ياسمين : خطتنا ايه الواد عايز يتجوزنى بعد شهر عارف يعني إيه بعد شهر يعني هودع العالم وهتقطع ده هيوديني روسيا
ايمن : ايوه ماهو روسيا ده مقر المافيا هناك ياسمين احنا خلاص قربنا علي إللي عايزينو متبوظيش الدنيا حتي علشان يونس علشان ناخد حق يونس
ياسمين بصتله وخدت نفسها وقالت : طيب يا ايمن ربنا يستر بس أبو أيدك خليك معايا ومتسبنيش
ايمن طبطب علي كتفها بحب اخوي : متخفيش يا عبيطه مش هسيبك دانتي أختي

ياسمين بأبتسامه : ربنا يخليك يا ايمن
ايمن ابتسم وبعد كده قال :طيب يلا بقي علشان نتطلع أنا هطلع الأول وانتى إطلعي وريا
ياسمين هزت دماغها بمعني طيب
ايمن خرج وشويه وخرجت ياسمين
ناصر : إيه يا حبيبتي اتأخرتي ليه
ياسمين : توهت معرفتش الحمام فين
ناصر : توهتي إزاي دنا قولتلك المكان بالظبط
ياسمين بتوتر : ها ماهو انا نسيت انت قولتلي فين مش مشكله بقي خلاص أنا روحت وجيت
ناصر بأبتسامه : ماشي يا حبيبتي
ياسمين ابتسمت وسكت بعد ساعه
ياسمين راحت لناصر : ناصر انا همشي بقي علشان اتأخرت آوي
ناصر بأبتسامه : لسه بس متخليكي شويه كمان
ياسمين : معلش بقي
ناصر بخبث وهو بيقرب منها : ماشي بكره هتبقي معايا ومش هتقدر تهربي مني ابدا
ياسمين بعدت بتوتر : آه انشالله سلام ومشيت وعين ناصر بتبص عليها بخبث

بعد نص ساعه وصلت ياسمين البيت
وطلعت فتحتها دخلت الشقه كان يونس مش موجود
ياسمين دخلت قاعدت على السر.ير وحطت أيدها على دماغها
شالت أيدها وبصت لاقت قدمها يونس
يونس : مالك
ياسمين بصتله : مدايقه يا يونس خلاص الحكايه قربت تخلص ومش هاشوفك تآني
يونس بأبتسامه : يلا بقي عمر الشقي بقي
ياسمين هزت دماغها : طب انا عايزه انام علشان تعبانه
يونس : طيب وخرج
ياسمين بصت عليه وبعدين انتهدت وقامت غيرت ونامت
تآني يوم الصبح صحيت خرجت من الاو.ضه سمعت ايمن بيتكلم مع يونس
ايمن : هتعرفها أمته يا يونس أنا متأكد انا ياسمين بتحبك
يونس : خايف خايف من رده فعلها
ايمن : يبقي كده هضيع منك

يونس بعصبيه : انت عايزني أقولها إيه ها أقولها آني كدبت عليكي وأني ولا ميت وزفت ولا شغال في المافيا واني ظابط مخابرات وعندي مهمه اني اقبض علي ناصر وكل إللي معاه وإن آنتى يا يا سمين وسيله علشان أعمل ده وكنت خايف اقولك علشان مضعيش مني انا لو قولت كده هضيع منى وهتعرف انى كنت بكدب عليها مش هقدر يا ايمن مش هقدر
أنا بحبها ومش هقدر اخليها تبعد عني
ايمن اتنهد و بص ورا يونس شاف يا سمين واقفه ودموعها نزله علي خدها اتصدم وبلع ريقه يونس لما شاف ايمن باصص وراه لف اتصدم لما شاف ياسمين
ياسمين بدموع وصدمه : ظابط مخابرات

يتبع….

ياسمين بصدمه ودموع: ظابط مخابرات
يونس بصدمه وخوف من فقدنها: ياسمين ياسمين إستنى هفهمك كل حاجه والله بس اسمعيني اديني فرصه اشرحلك
ياسمين بعصبيه : تشرحلي إيه تشرح إنك كدبت عليا واستغفلتني وفهمتني إنك ميت عايزه أعرف كل حاجه دلوقتي وياتري بقي إسمك يونس ولا ده برضو كدبه
يونس خد نفسه: لا اسمي يونس عبدالله ولقبي فعلا الشبح بس في المخابرات
ياسمين : اسمك يونس عبدالله اومال ايه محمود ده
يونس وطي راسه : محمود وصباح دول شغلين معانا وعملو أبويا وأمي بس أنا أمي وابويا مسافرين أبويا رجل اعمال مشهور إسمه عبدالله الدماري وامي الدكتور سوسن طلعت دكتوره جامعه في أمريكا
ياسمين : يا حلاوه كله كدب في كدب عايزه أعرف كل حاجه دلوقتي يا يونس
يونس هز دماغه وخد نفسه وابتدا يحكي
فلاش باك
يونس كان قاعد مع ايمن في مكتبه بياكلو دخل عليهم العسكري
العسكري وهو بيقدم التحيه : يونس باشا

يونس : إيه يا احمد في حاجه
احمد العسكري : آه يا باشا سياده اللواء شكري عاوز حضرتك إنت وايمن باشا
يونس هز دماغه : ماشي روح واحنا جاين وراك
احمد : تمام يا باشا وخرج
ايمن بص ليونس : إيه مهمه جديده ولا إيه
يونس قام وبيلبس الجاكت بتاعه : أكيد بدل ما سياده اللواء بنفسه طلبنا قوم يلا
ايمن قام هو كمان ولبس الجاكت بتاعه: ربنا يستر خرجو هما الاتنين من المكتب وراحو على مكتب اللوا شكري وخبطو عليه وأذن ليهم بالدخول
ايمن ويونس : السلام عليكم
شكري بابتسامة : وعليكم السلام يا أبطال تعالو اقعدو
ايمن ويونس قاعدو
يونس : خير يا فندم
شكري : جالي اخباريه إن في شبكه مافيا كبيره في روسيا بيقودها شاب اسمه ناصر الصاوي رجل الأعمال وواحد تاني اسمه سامي الجابري الشهير بالباشا المطلوب منكو أنكو تقبضو عليهم كلهم وهيبقي معاكم دعم

ناصر الصاوي كل سنه يروح لعيله فقيره مخلفين بنات حلوه ويلف عليهم علي انه الراجل الأعمال الصالح اللي بيعمل خير ومفيش منو آتنين المهم يدي عيله البنت مهر عالي وياخد بنتهم في خلال شهر ويسافر بيها روسيا مقر شغلهم هناك ويعمل كأنو هوديها شهر عسل وهناك بيأخد منها إللي هو عايزو وبعدين يرميها للمقر بتاعهم يبيعوها أعضاء أو يشغلوها في دعاره و لو أهل البنت سألو عليها يقولهم انها كويسه وبعدين بعدها بكذا شهر يكلمهم يقولهم إنهم عملو حادثه وبنتهم ماتت ويخترع أي عذر بعد وياسعدو يا هنا لما يلاقي بنت يتيمه كل حاجه بتبقي زي الفل وسهله عليه بقي كل سنه يعمل كده السنادي بيدور علي بنت تكون حلوه آخر عمليه عملها كانت دعاره المراضي هيحتاج بنت لتجاره الأعضاء البنت دي بقي إحنا هوديها ليه
يونس بأستغراب : إزاي يا فندم
شكري طلع ملف في معلومات عن ياسمين حط الملف على قدام يونس وايمن
شكري : ده ملف في معلومات عن بنت اسمها ياسمين اشرف البنت دي ابوها وامها لسه ميتين في حادثه وعايشه لوحدها وملهاش أهل لإن أمها وابوها أهلهم ماقطعنهم علي اتجوزو من موقفتهم المهم هي طيبه جدا بتصدق أي حاجه غلبانه يعني أي عيل صغير هيقدر يضحك عليها المطلوب بقي ان ياسمين دي هتبقي الضحيه الجديدة بس هتشتغل معانا من غير ماتحس
ايمن : معلش يا فندم إزاي هنخليها معانا وهتبقي معانا إزاي أصلا

شكري : بصو صاحب البيت إللي ساكنه فيه ياسمين طماع جدا وبيحب الفلوس قد عينه إنت يا يونس هتروح تشتري منو شقه ياسمين وهتديلو مبلغ كبير هو عينه هتلمع علشان الفلوس هيروح طارد ياسمين من الشقه واحد في حته ياسمين فاتح سوبر ماركت إسمه إسماعيل ده تبعنا هنخليه يقعدها في او.ضه السطح موقتا وهيقولها تقعد موقتا لحد مايشوفلها شقه الشقه إللي هيشوفها دي هتبقي شقتك يا يونس
يونس بصدمه : نعم يا فندم شقتي أنا
شكري :آه شقتك إنت ياسمين هتقعد في شقتك
يونس : طب يا فندم وأنا أقعد فين
شكري : معاها
يونس اتصدم : معاها إزاي معلش
شكري : هتبقي شبح تعمل نفسك إن إنت اتقـ,ـتلت وناصر إللي قـ,ـتلك وإنت عايز تاخد حقك وشغال المافيا خطبتك ماتت عايز تنتقم ليها قـ,ـتلت البوص بتاع المافيا ناصر قـ,ـتلك علشان إنت وأخد الجو منه علشان كده خلص عليك روحك مش مرتاحه كده يعني
يونس بسخريه : يا سلام وحاجه هتخش عليها عادي ده عيل صغير ميصدقهاش

شكري : مانا قولتك إنها طيبه زياده عن اللزوم بتصدق أي حاجه إنت كمان حط تاتش أنا إللي هقولك يا شبح وايمن هيبقي معاك في كل حاجه بس إنت يا يونس إللي هتقعد آكتر مع ياسمين علشان إنت شبح الشقه فاهم
يونس : تمام فندم ربنا يستر
شكري : انشالله هيستر يلا خدو الملفات وقولولي الاخبار أول بأول وعايزكو تبدو من بكره
يونس وايمن : تمام يا فندم
شكري : علي بركه الله يا رجاله ربنا معاكو
يونس وايمن ابتسموا وخرجو
تآني يوم يونس راح لصاحب البيت بتاع ياسمين
دخلو يونس وهو بيقلع النظاره بتاعته
يونس : سلام عليكو
لطفي : عليكم السلام يا استاذ مين حضرتك
يونس : إنا يونس عبدالله وكنت عاوز منك خدمه
لطفي : خير يا استاذ
يونس : كنت عايز اشتري منك شقه الاستاذ أشرف رأفت إللي يرحمه
لطفي : ايوه يا باشا بس دي قاعده فيها بنته وهي يتيمه ملهاش حته تروحها
يونس : هديك مليون جنيه

لطفي بطمع : اعتبر نفسك خدتها يا باشا
يونس بصله بقرف من طمعه : طيب الشقه عايزاها تفضي النهارده تمام
لطفي بأبتسامه : تمام يا باشا
يونس لبس النضاره ومشي
وبعديها راح لطفي لياسمين وطبعا كلكو عارفين هو قالها إيه
لطفي لما طرد ياسمين من الشقه جالو يونس ادالو الفلوس ومشي وطبعا آنتو عارفين إللي حصل مع ياسمين بعد كده
باك
ياسمين بصدمه : يعني انت اللي اشتريت الشقه وحرمتني من ذكريات امي وابويا فيها علشان تكملو خطتكو
يونس هز دماغهم
ياسمين : طب إنت كنت بتظهر وتختفي إزاي
يونس قالها : تعالي اوريكي
يونس وداها او.ضه مقفوله هو بس إللي معاه مفتاحها فتحها وقال : الاو.ضه دي كنت بقعد فيها علشان أظهر واختفي
ياسمين بصتله بصد.مه : طب بلاش دي لما كنت برمي حاجه عليك ومكنتش بتيجي فيك ده كان إزاي

يونس : كنت بحطلك حبوب هلوسه في الاكل بتاعك بحاس إنك تبقي حاسه ومش حاسه مخك بيبقي حاسس وبيشوفوا إللي أنا عايز اخليه يشوفو بس
ياسمين بصدمه أكبر : طب والمول إزاي البنت قالت إنها مش شايفاك وصاحبتي إللي في المطعم
يونس : ايمن دخل اتفق مع كل إللي جوه يقول كده علشان متشكيش في حاجه وكل إللي آنتي شوفتيهم وانا وإنتي مع بعض كنا متفقين معاهم حتي صاحبتك
ياسمين : علشان كده ايمن لما وصلنا المول قال ثواني هخش أعمل حاجه واجي كان من ضمن الخطه
يونس هز دماغه بمعني آه
ياسمين داخت من كتر الصدمات : طب لما كانت وامها عندنا إنت مكنتش موجود كنت مستخبي في إلاو.ضه دي
يونس هز دماغه تاني بمعني آه
ياسمين : أتاري كنت بقول إزاي ايمن يشوفك وإنت شبح إزاي هتظهر دنا طلعت فعلا ساذجه آوي وعبيطه ومخي مش فيا علشان يضحك عليا كده ودمعت
يونس بسرعه : ياسمين والله انا لو كنت قولتلك كنت هاخسرك وأنا مش عايز اخسرك حاولت إني اقولك كتير بس لساني مكنش مطاوعني خلاني أكمل في الكدب ده
أنا بحبك يا ياسمين ومش عايز اخسرك وإنا نويت إن المهمة لما تخلص علي خير اقولك كل حاجه بس انتي عرفتي دلوقتي وكنت هتقدملك

ياسمين بعياط بسخريه : تتقدملي مخلاص خلصت كده يا يونس باشا علشان أنا مبحبش الكدب انا عايزة ارجع بقيت امي وابويا ومش عايزه اشوف وشك خالص فاهم
يونس مسكها من أيديها : لالا لا عقابي باي حاجه الا بعدك عني انا مش هقدر علي بعدك يا ياسمين همو.ت لو بعتي عني
ياسمين شدة أيدها بعنف من أيده : اوعي متلمسنيش إنت بكرررهك بكرررهك كنت بحبك الأول وكنت هتتجنن إن إزاي أحب شبح لما يختفي همو.ت بعديه بس الشبح طلع كداب ولا شبح ولا ميت إنت كداب يا يونس وأنا بكرهك يا يونس وهخش الم حاجتي دلوقتي واروح علي بقيت أبويا ده لو تكرمت يعني وكانت جايه تخش بس ايمن وقفها يونس اتصدم من كلمه بكرهك وقلبه وجعه بس حقها تعمل آكتر من كده سكت متكلمش
ايمن بسرعه : طب بصي يا ياسمين بلاش علشان يونس ولا حتي علشاني بصي إحنا خلاص في آخر حاجه وقربنا نقبض عليهم كملي بس معانا علشان نحمي بلدنا من القرف فيها ده يا سمين علشان خاطر اللحظات الحلوه اللي بينا
ياسمين بصتله شويه وبعدين بصت بصه سريعه علي يونس : ما شي يا ايمن بس ده مش علشان خاطركو دنا علشان فعلا عايزه الدنيا تخلص من قرفهم وهكمل
ايمن ابتسم بسعاده ويونس ابتسم بوجع

يتبع….

ياسمين قاعده مع يونس وايمن ومش طايقه يونس
ياسمين لايمن : طب أنا كده هسافر مع الزفت إللي إسمه ناصر ده بعد شهر إزاي وأنا مش معايا باسبور ولا حاجه
ايمن بضحك سخريه : إيه ده هو أنا مقولتكيش
ياسمين باستغراب: قولتلي إيه
ايمن : مش ناصر طلب مني أعملك باسبور علشان لما تسافرو يبقي معاكي ناصر ده مش بيفوت عليه حاجه ابدا
ياسمين بصدمه : بتهزر
ايمن بأبتسامة : وأنا هزر ليه ماهو ده اللي حصل قالي إمبارح بعد ما مشيتي من الحفله وأنا عرفت يونس
ياسمين لما سمعته قال اسم يونس عنيها من غير ما تحس راحت علي يونس لاقت يونس بيبص ليها بصه إنها ترضي عنو هي كانت هتضعف قدام نظرتو بس لا هو كدب عليها ولعب بيها يستحمل بقي بعدت عينها عنو بتوتر
ياسمين : طب كده الشهر فاضلو 25 يوم ويخلص هعمل ايه بقي في الأيام دي
يونس المرادي هو إللي أتكلم : هتعملي زي ما كنتي بتعملي يجي يقولك اخرجي تخرجي مانتي دلوقتي خطبتو بيقول كده وهو دايس علي سنانه وعينه كلها غيظ وغيره ياسمين شافت النظره دي ونبرتو كانت هتبتسم بس مسكت نفسها هي بتحبو آوى بس لازم تعلمو الادب شويه ولما قالت بكرهك كان من ورا قلبها علشان بس هي مجروحه منو بصتله وقالت بغضب مصطنع: انت مالك إنت بتتكلم ليه

يونس : مش انتي اللي بتسألي
ياسمين : أنا بسأل ايمن وعيني عند ايمن انت مالك انت عامل زي الملح بتدخل في كل حاجه
يونس قام : بت احترمي نفسك أنا القائد أصلا يعني أنا إللي مامشي ايمن أنا إللي بقولو يعمل إيه وميعملش إيه احترمي نفسك يا ولية
ياسمين قامت وقفت قدامه : ولولو عليك ساعة وسكتوا يا بعيد بقولك يا شبح انت أنا متغاظة منك من ساعه ما شوفت خلقتك أنا كنت حلفه بعد ماعرفت انك كداب مكلمكش تاني لحد الزفته المهمة دي ماتخلص بس لا أنا مش هسكت لك بعد كده
يونس باستفزاز وبرود: هتعملي إيه يعني مش هتقدري تعملي حاجه
ياسمين مسكت المخده وداست عليها بغيظ : يا يونس بطل استفزاز هتندم
يونس قرب منها وقال بأبتسامه مستفزه: وريني اخرك
ياسمين بصتله شويه ومره وآحده نطت علي كتفه فضلت تعض فيه ( جت فرصتها بقي إن هو مش شبح علشان كان عمال يستفز فيها قالت تنتقم مره من نفسها ????????)
يونس أتفاجأ من رد فعلها واتخض وقال بوجع : ااااه آه يا بنت العضاضه إللي تنشكي في سنانك اوعي يا بت يابت إوعى آنتي إيه اااااااه إنت يا زفت شالها من دراعي يلهووووي الحقوني يا ناس اااااه يا بت كفايه يا بت دانتي لسه واكله لحمه إمبارح واللحمه غاليه آآآآآآه يا باااااات يا ايييييمن ايمن طبعا ولا هنا زي عدتو قاعد بيضحك ومش قام من علي الكنبه

يونس بصريخ: ياااااا بت خلاص اللحم خلص كلتيه كله ااااه وبقي بيحاول يشيلها من علي دراعه بس مش عارف قفشه في قفشه سودا يونس خلاص مبقاش قادر وعينه احمرت من الوجع ومره وآحده صرخ :ااااااااااااااااه ياسمين نزلت من علي كتفه وبصت عليه بانتصار ويونس كان ماسك كتفه بوجع
ياسمين بانتصار : أحسن كان نفسي أعملها من زمان علمت عليك يا شبح أي خدمه وبعدين عملت كأنها بتسطعم : أمم أمم بس لحمك مر يا يونس حطتلو شويه ملح
يونس فضل باصص عليها وهو قاعد علي الكنبه بوجع وبعدين بص علي ازازه الميه الكبيره إللي علي التربيزه وبص علي ياسمين لاقها واقفه بتمسح بوقها يونس قام مره واحده مسك ازازة الميه ودلقها كلها علي ياسمين كلها
ياسمين اتصدمت من عمله يونس وقالت : يا بن العبيطه إنت اتهبلت يا واد إنت يح يح الميه ساقعه يا ببلاوي
يونس خلص ازازه الميه فوق دماغ ياسمين وبص بانتصار على شكلها ورمي الازازه علي الكنبه وحط أيده في وسطه وبصلها بأبتسامه : إيه رأيك
ياسمين بصتله بغضب : ماشي يا يونس ودخلت علي الحمام
ايمن بيقول ليونس بخوف : هي رايحه فين يا يونس
يونس : مش عا مكملش الجمله لاقي ياسمين خارجه من الحمام بالخرطوم الميه ايمن شاف كده استخبه ورا الكنبه
ياسمين وهي بتفتح الخرطوم : صلي علي رسول الله

يونس كان لسه هيجري أتفاجأ بدفع ميه قوي فضل يترش عليه بقي يحاول يهرب منها بقت تجري ورا في الشقه بالخرطوم وترش عليه بقي كل ما يجري شويه يقع ويقوم يقع ويقوم من الميه وجاي يطلع الكنبه إللي مستخبي وراها ايمن ياسمين مسكت الخرطوم فضلت مصداره على يونس ايمن قام من علي الارض من دفعه الميه علي يونس يونس حد ايمن بالحضن ووقعوا هي آلأتنين علي الكنبه والكنبه وقعت بيهم ورا وفضلت ياسمين ترش عليهم وهي بتضحك وتقول بعبط : نأخد من كل رجلا قبيله تش تش ايها الخوانه الغدارين صحيح اللي قالو من كتر الناس اللي بقيت وش ونبي وحشونا الناس إللي بوشين يونس بقي يحاول يتكلم من الميه مش عارف مره وآحده الميه وقفت والخرطوم فضي ياسمين استغربت وبصت علي الخرطوم مره وآحده ضرب في وشها هي شرقت وفضلت تكح ياسمين : كح كح كح يونس اتخضو وقام راح ليها بقلق علشان يطمن عليها
ايمن راح يقفل الميه
يونس بقلق : ياسمين انتي كويسه
ياسمين هديت شويه من الكحه وخدت نفسها وقالت : آه كويسه بصت علي شكل يونس إللي شعره نازل علي عينه من الميه قلبها دق من شكلو الوسيم شالت عينها علي طول
يونس قلع التيشرت وعصرو من الميه ياسمين شافته قلع التيشرت اتصدمت ولفت علي طول وشها وخبت عينها : يا قليل الادب يا إللي مش متربي بربع جنيه حتي إنت قلعت التيشرت ليه مش شايف إني في بنت واقفه معاك
يونس بص لضهرها بأبتسامه وقصد يغيظها : هي فين البنت دي مش شايفها

ياسمين اتصدمت ولفت ليه من غير ما تحس : يا حيووووان هي مين دي إللي فين وأنا حيطه قدامك وبعدين قالت بخبث علشان تغيظو: لو مكنتش حلوه بصحيح مكنش ناصر اختارني انا مكنش حط الخاتم بتاعه في أيدي أنا أنا عارفه انو ده من ضمن شغله بس علي الاقل اختارني انا
يونس اتعصب لما قالت كده : عارفه يا بت انتي لو جبتي سيرة الزفت ده تآني أنا هرميكي من البلكونه سامعه
ياسمين قالت من غير ما تحس : متقدرش علشان إنت بتحبني وإللي بيحب حد لا يمكن يأزيه زي مانا بحبك ولا يمكن أزيك وبعد حطت أيدها علي لقوها بصدمه من إللي قالتو وبصت في الارض بكسوف
يونس بص ليها بأبتسامه فرح لما اعترفت إنها بتحبه وغير كده كسوفها قرب منها وقال بهمس : سمعيني كده تاني قولتي ايه
ياسمين رفعت عينها ليه بتوتر وهي بتزقه بعيد عنها : ما مقولتش حاجه وابعد كده انا اصلا مش عايزه أتكلم معاك واوعي تفتكر علشان هزرت معاك شويه ابقي كده نسيت لا أنا عمري ما نسي إن حد استغفلني وضحك علبا أبدا يا يونس وأنا مش مسمحاك
وسابته ودخلت الاو.ضه يونس بص عليها بحزن وغمض عينه بوجع ايمن جه طبطب علي كتفه وقاله : متقلقش يا يونس ياسمين قلبها طيب مع الوقت هتسمحك وتبقو مع بعض بعد ما المهمه ما تخلص انا متأكد
يونس باصلو بأمل : تفتكر يا ايمن
ايمن ابتسم : أكيد أنا عمري قولت حاجه وطلعت غلط

يونس هز دماغه بلا
ايمن : أهو متقلقش يلا بقي نلم الميه دي واغير علشان اعملكو الغدا دنا هعمل ليكو صنيه مكرونه بالبشاميل هتاكلو صوابعكو وراها
يونس ضحك : يا شيف إنت يا جامد
ايمن بغرور مصطنع : مبحبش اتكلم عن نفسي كتير
يونس بضحك : تبا لتواضعك يا رجل ايمن ضحك وبعدين لمو الميه ودخلو خدو دش وخرجو يونس قعد في البلكونه يشرب سجاره ويفكر هيعمل إيه مع ياسمين وايمن دخل المطبخ يعمل الاكل ياسمين كانت واقفه في الشباك وشعرها بيطير وراها من الهوا وكانت عماله تفكر هتسامح يونس ولا لا هي بتحبو بس هو وجعها من كدبه عليها ولعبه بيها هي قلبها طيب وهتسامحو بسهوله بس ده ميمنعش بأنها تعلمو الادب شويه خارجها من السرحان بتاعها صوت رن التليفون مسكته لاقته ناصر نفخت بضيق : يا خربيت ابوك انت مش بتتهد خالص ده إيه القرف ده وبعدين ردت غصبن عنها
:الو
ناصر: إيه يا ياسمنتي عامله ايه
ياسمين بزهق : الحمدلله كويسه إنت عامل اية
ناصر بأبتسامه : تمام بقولك ايه رايك نخرج بكره نقضي اليوم كله مع بعض
ياسمين كانت هترفض بس افتكرت كلام يونس : اوك مفيش مشكله هستناك بكره
ناصر : تمام آوي يا ياسمنتي اسيبك أنا بقي علشان عندي شغل

ياسمين : تمام وقفلو ياسمين خدت نفسها ورجعت شعرها لورا وبعد كده فردت نفسها علي السر.ير وراحت في النوم من غير ما تحس
بعد شويه دخل عليها يونس علشان يناديها تاكل لاقها نايمه بعمق دخل براحه جدا كانت نايمه علي جمبها وضهرها للباب وصل عندها ونزل علي ركبو فضل يبص علي ملامحها قد إيه جميله وبريئه من غير مايحس قرب باسها لاقها اتحركت بعد بسرعه وهو بياخد نفسو وضربات قلبه عماله تدق جامد صحيت اتخضت لما لاقته واقف كده : إنت واقف كده ليه خضتني في حد يقف كده وبعد إيه إللي دخلك عليا وأنا نايمه كده
يونس خد نفسو واتكلم بهدوء: كنت جاي انادي عليكي علشان تقومي تاكلي
ياسمين عدلت نفسها : اكل ايه
يونس : ايمن عامل مكرونه بالبشاميل
ياسمين بذهول : إيه ده هو ايمن بيعرف يطبخ
يونس ابتسم : أكيد ده معلم في الطبخ ده هو اللي بيطبخ لينا لما كنا بنطلع مهمات بالايام
ياسمين : طب ونبي حلو هقوم ريحتها بصرآحه ضاربه في مناخيري وسع كده
يونس وسع بضحك عليها وهي خرجت وهو خرج وراها خرجو لاقو ايمن محضر الطباق والشوك والعصير ومخلل وعمل جمب المكرونه بانيه
ياسمين : إيه ده يا سلام عليك يا ايمن ريحه الاكل تجنن
ايمن : ولسه لما تدوقي الطعم شويه وايمن خرج بصنيه المكرونه حطتها علي السفره
وياسمين مسكت طبق كل واحد فيهم وغرفت ليه مكرونه وبعد كده غرفت لنفسها

ياسمين كلت من المكرونه قالت بإعجاب من طعمها : واوو تحفه يا ايمن
ايمن بغرور مصطنع : إن عمري ما بعمل حاجه واحشه أبدا
ياسمين بضحك : يا خربيت غرورك ده بس بجد تسلم أيدك
ايمن بأبتسامه : تسلمي بالهنا والشفا
ياسمين ابتسمت وكملت أكل ويونس كان ساكت
بعد شويه ياسمين قالت بتوتر: ناصر كلمني يونس خد باله ساب الشوكه وقال : ايوه بقي قالك ايه انشالله
ياسمين بخوف من يونس : قال عايز نخرج بكره ونقضي اليوم كله مع بعض
يونس بصلها بهدوء بس كلها غضب
ياسمين بلعت ريقها بخوف

يتبع….

يونس بصلها بهدوء : وإنتي قولتيلو إيه
ياسمين بتوتر : قولتلو تمام هستناك تجيلي هنا
يونس سكت شويه وبعدين قال : تمام روحي
ياسمين اتصدمت : إيه
يونس : بقولك روحي في مشكله
ياسمين بتوتر: اصلي بصراحه قولت انك هتقوم الدنيا حريقه يعني
يونس : لا خالص بعد كده قام فجأه مسك ياسمين من قفاها زي الحراميه
ياسمين اتخضت يونس وهو بيدوس علي سنانه: بس اقسم بالله تسيبيه يمسك أيدك يعمل حاجه كده ولا كده هنفخك يا ياسمين سمعتي هنفخك لو شميت بس
ياسمين بخوف : ح حاضر يا شبح اهدا إنت بس علشان أعصابك دانت راجل خارج من مو.ت مزيف يعني متضمنش
ايمن شرق من الضحك علي كلام ياسمين
يونس خلاص قرب يتشل : مو.ت مزيف يا رب يا تهدها يا تهدها برضو علشان ونبي مبقاش فيا نفس

ياسمين بغباء: اية دة معندكش نفس اجبلك أكسجين ولا عندك برد ماهو طبيعي علشان الميه دي
يونس بصلها وداس علي سنانه وخبط أيد علي أيد ودخل على الاو.ضه بعصبيه وهو بيقول بصوت عالي : لما تاكل عايزك يا ايمن
ايمن : حاااضر وبعدين بص لياسمين بضحك : انتي كياده ليه يا بت انتي
ياسمين : علشان هو يستاهل
ايمن: ياسمين هو آنتي بتحبي يونس بجد
ياسمين خدت نفس وقالت : أنا بحبه يا ايمن لما قولتلو بكرهك مكنش من قلبي بس حط نفسك مكاني تبقي مش عارف انك بيتلعب بيك وتبقي عايش في تمثليه إنك قاعد مع واحد عامل نفسه ميت ده الحكايه دي لو مجنون ميصدقهاش بس أنا عبيطه بصدق أي حاجه
ايمن : احنا كنا زيك علي فكره بس إحنا مش ذنبنا حاجه إحنا بنفذ الاوامر وعلي فكره يونس مكنش عايز كده بس اللوا قالو مش بمزاجك هتنفذ هتنفذ سامحيه يونس طيب وابن حلال وبيحبك آوي طب تصدقي إنو كان عايز يقولك من اول يوم شافك فيه بس اللوا إللي كان مانعو في الفتره الاخيره دي انا اللي شجاعته انو يقولك بس كان خايف من المواجهه وكان خايف يخسرك لو بتحبيه بجد سامحيه

ياسمين قربت منه وقالت بهمس: هسامحو بس ده مينمعش اني اعذبه سيكه
ايمن ضحك : حقك قاطع ضحكه صوت يونس العالي : يااااااا زفت
ياسمين وايمن اتخضو
ايمن بهزار وهو قايم : لمواخذه بقي يا اختي البيت بيتك بس جوزي خلقه وعصبي جدا تعابني والله هجيلك تأنى اقعدي بالعافيه ومشي زي ماشيه الستات وهو بيقول : جيالك يا دكرى
ياسمين ضحكت آوي علي ايمن وبعدين فكرت هتعمل إيه مع يونس
ايمن دخل قال بهزار بصوت انوثى : نعم يا دكرى
يونس بعصبيه : ولاااااا استرجل متخلنيش أعملها معاك
ايمن ضحك : طب خلاص هسكت إيه في إيه بقي
يونس : بصي قصدي بص إلله يخربيتك ام صوتك ده خلاني أكلمك بصيغه المونث ارحمني بقي
ايمن ضحك عليه
يونس : بص عايزك بكره تفضل مراقب الزفت ده والمتنيله إللي قاعده بره دي وميغبوش عن عينك لحظه حتى لو هتتنكر ماشي

ايمن : اعتبرو حصل يا شبح
يونس بضيق: ونبي بلاش الاسم ده علشان خلاص اتشئمت منو
ايمن ضحك : ماشي يلا علشان تكمل اكلك
يونس بخنقه : لا خلاص بنت العبيطه إللي بره دي سدت نفسي مرة واحده لاقي المخده لابسه في وشو
ياسمين بعصبيه : يا بني احترم نفسك بقي إنت إييييييه أعمل فيك إيه تآني دنا رشيت عليك ميه لزمن دانت كده مش هتستحما لمده يومين بسبب الميه اللي اخدتها ارحمني بقي ياخربيت زفاره لسانك وملكش دعوه بأمي ولا أبويا ماشي يا شبح وبعدين مشيت
يونس اتصدم وبعد كده ضحك وقال : مجنونه وربنا
ياسمين خرجت لاقت الباب بيخبط فتحت لاقت صبا اتصدمت بس دخلتها : تعالي يا حبيبتي عامله اية
صبا بأبتسامه : الحمدلله اتتي عامله اية
ياسمين : تمام
صبا : دايما بقولك ايه يا ياسمين
ياسمين : إيه يا حبيبتي
صبا : عايزاكي معايا النهاردة علشان في عريس جي يتقدملي فعايزه حد معايا علشان أنا وماما لوحدنا
ياسمين اتصدمت وزعلت على ايمن علشان هو بيحب صبا كانت لسه هتتكلم ايمن خرج من الاو.ضه و أتفاجأ من وجود صبا واتوتر

صبا بصت عليه وبصت علي ياسمين : إيه ده هو أنا جيت في وقت مش مناسب ولا ايه
ياسمين بسرعه : لالا يا حبيبتي ده ده أخويا في الرضاعه جي يشوفني
صبا بأستغراب : اخوكي في الرضاعة آنتي مش قولتلي إنك مش عندك أهل
ياسمين بتوتر : ها آه ماهو ده أبن جارتنا في بيتنا القديم وظابط كان مسافر في مهمه وجيه يطمن عليا أخويا أخويا متفهميش غلط ايمن اتصدم من كلام ياسمين بس أبتسم من جواه علشان هيبقي في حجه يشوف بيها صبا بس يعيني الاهبل مش عارف إنها هتتخطب
صبا بصتله بأبتسامه : تشرفنا يا استاذ
ايمن بسرعه : ايمن اسمي ايمن
صبا بابتسامه: يا استاذ أيمن ايمن سرح فيها وهي بتقول اسمه وقال في نفسه : شكلاته يابا الحج شكلاته وبعد ين فاق وقال : أنا أشرف ق قصدي أنا كمان اتشرفت بمعرفتك يعني
صبا ضحكت وهو تاه في ضحكتها
صبا بصت لياسمين : طيب يا سمين هستناكي بقي ها
ايمن بأستغراب وتوتر: معلش لو فيها تقل مني
صبا بسرعه : لا أبدا أتفضل
ايمن : هو حضرتك مستنيه ياسمين علي إيه
صبا : أصلي جايلي عريس أنهاردة فكنت عايزه ياسمين تبقي معايا

ايمن اتصدم لما سمع كده ومش قادر يصدق إنها هضيع منه
بس لا مش هيحصل كده
ايمن : طيب الف مبروك مقدما بس ممكن يعني ابقي معاكو أكيد آنتو عاوزين راجل في الموضوع ده
صبا بسعاده : أكيد طبعا أكيد تنور
ايمن : طب هو جاي أمته
صبا : الساعه 7
ايمن : تمام قبل 7 هتلاقيني أنا وياسمين عندك
صبا بأبتسامه : تسلم يارب طيب امشي أنا بقي علشان الحق اجهز
ياسمين بابتسامه :ماشي يا حبيبتي ومشيت صبا وياسمين قفلت الباب وراها وبعدين لفت لايمن وقالت : إنت ناوي فعلا تروح
ايمن بأبتسامة غموض : أكيد طبعا وبعدين قال بهمس: علشان اطفش أمه

يتبع….

جه الليل وكانت صبا بتحط الحلق في ودنها دخلت عليها أمها
ام صبا بأبتسامه : إيه يا حبيبتي خلصتي
صبا : أه يا ماما ها ايه رايك
ام صبا بفرحه : زي القمر يا حبيبتي وباستها وبعدين قالت : قولتلي لياسمين
صبا : آه يا ماما واخوها جي معاها
ام صبا بأستغراب : أخوها مش هي ملهاش أخوات
صبا بتصحيح: هو جارها بس أخوها في الرضاعه
ام صبا : آه طب كويس انو جاي حتي يبقي معانا راجل
صبا ابتسمت : مانا قولت كده برضو
بعد شويه الباب خبط ام صبا فتحت لاقتها ياسمين وايمن
ام صبا بأبتسامه : تعالي يا حبيبتي خشو ياسمين باست ام صبا وايمن سلم عليها وهي رحبت بيه ودخلو قاعدو
ياسمين قعدت جمب ايمن وقالت : اوعي لما الرجل يجي تعمل حاجه كده ولا كده

ايمن ببراه مزيفه : أخص عليكي يا مرات أخويا إنتي تعرفي عني كده
ياسمين بصدمه : مرات أخويا طيب يا أخويا أنا حظرتك بس
بعد شويه الباب خبط ايمن فتح لاقي عريس الغفله زي ما بيقولو
ايمن باستعباط : مين حضرتك
حسام العريس بأستغراب : أنا حسام يا فندم
ايمن : فندم إيه وإنت جاي تقدم في شركه عايز مين يعني
حسام بذهول :نعم
ياسمين جت تلحق أي حاجه قبل ما يخربها ايمن ياسمين بأبتسامه ترحيب : اهلا اهلا يا عريس اتفضل
ايمن باستهبال: إيه ده هو إنت العريس معلش يا أخويا إللي م يعرفك يجهلك وعرفك برضو يجهلك ياسمين ضربت أيد ايمن بخفه : أسكت شويه أتفضل أتفضل أم صبا خرجت من او.ضه صبا وخرجت استقبلت حسام وقاعدو
ايمن : منور يا اخ حسام
حسام بأبتسامه جميله : منور بيك يا استاذ
ايمن : عزرائيل ياسمين خبطت ايدها علي وشها بس ايمن
حسام بأستغراب : أفندم
ايمن : قصدي ايمن
حسام ابتسم : آه تشرفنا يا أستاذ ايمن

ام صبا بأبتسامه : ازيك يا حبيبي فين اهلك اومال
حسام : مانا قولت حضرتك اجي أنا الأول واتكلم مع حضرتك وبعد كده هبقي أجيب أهلي
ايمن في نفسه : انشالله مش هيحصل
ام صبا لياسمين: قومي يا ياسمينا جيبي صبا
ياسمين ابتسمت : حاضر ودخلت جابت صبا
صبا جت بالعصير ولما دخلت ايمن تنح من جمالها كانت لبسه دريس ابيض جميل جدا وعليه سندل ابيض وحاطه ميكب خفيف واكسورات وكانت جميله آوي بص بغيره علي حسام شافه هياكل صبا بعينه
صبا دخلت بالصنيه بكسوف ايمن باصص عليها وهو عمال يدعك ايدو في بعض و بص على حسام شافه عمال يعدل في الجرافته بتاعته بصله وهو رافع شفته إللي فوق زي ما يكون بيقولو كتك نيله بتعدل نفسك علي إيه
دخلت اقدمت لكل إللي قاعدين العصير وبعدين قاعدت جمب ياسمين ايمن بص عليها وقال بصوت واطي : يا ختي كوكو قال مكسوفه قال
ام صبا بأبتسامه : صبا بنتي يا حسام
حسام بص لصبا بأبتسامه وهي ردتهاله بكسوف وايمن طبعا قاعد هيولع
ياسمين : طيب نسيب العرسان لوحدهم شويه

ايمن بص لياسمين بغضب ونفسو يقوم ياخدها قلمين بس عملها حركه بايده علي دقنه بمعني هوريكي وهي بلعت ريقها وكانت هترجع في كلامها بس أم صبا قالت : آه يا ريت علشان يعرفو بعض آكتر يلا يا ياسمين يلا يا ايمن
ايمن قاعد مربع ايدة وباصص علي حسام بغيظ
أم صبا : ايمن
ايمن : معلش يا طنط أنا هقعد معاهم
حسام بغيظ منو : تقعد فين معلش
ايمن ببرود : معاكو في حاجه
صبا بصت علي ايمن بأستغراب
حسام نفخ وبعدين قال بأبتسامه لصبا: ازيك يا صبا
صبا حاسه ترد ايمن رد بدالها : كويسه
حسام بزهق: هو أنا بكلم حضرتك أنا بكلم صبا
ايمن : اصلي صبا لسانها مدوحس
صبا بصتله بصدمه وجايه تتكلم بصلها بصه خلتها تسكت بس استغربت من تصرفو
حسام : أفندم يعني اية لسانها مدوحس
ايمن هز كتفه : زي الصباع كده إنت صباعك مدحس قبل كده
حسام : إيه مدحس إيه مدحس دي كمان

ايمن : معرفش وبعدين بص لصبا ممكن يا صبا تجيبي لي كوبايه مايه صبا بصتله شوية وبعد كده قامت خرجت ايمن قام وقعد جمب حسام وقال : أنا لو منك امشي وانفد بجلدي
حسام بأستغراب : ليه يعني
ايمن بهمس : أصلها تعبانه شويه
حسام : تعبانه ماهو ممكن تكون تعبانه برد تعبانه أي حاجه
ايمن بسخريه مصطنعه: برد دانت غلبان آوي
حسام : اومال تعبانه إزاي يعني
ايمن بصوت واطي : عندها صرع
حسام اتصدم : صرع
ايمن : آه صرع بتصحي بليل تفضل تصوت تصوت وتقول هقـ,ـتله هقـ,ـتله دي مره كانت هتقـ,ـتل البواب وإحنا لحقينا علي آخر لحظه بقي كل عريس يجي يتقدم ليها تقعد معاه نوبه الصرع تجيلها علشان كده قومتها تجيب ميه يعني احتمال يجليها النوبه دلوقتى في نفس الوقت سمعو هما الاتنين صوت صريخ صبا
ايمن قال لحسام : شوفت مش قولتلك
حسام بخوف : لالا مش عايز اتجوز انا مش عارف اشكرك إزاي إنت عملت فيا معروف كبير ربنا يخليك

ايمن بصلو بصه انتصار وبقي فرحان إنو طفشو : ربنا يعلم إني حبيتك من اول ماشوفتك ومتاخدش على خطرك لما كنت بكلمك وحش دي محبه محبه
حسام بأبتسامه :طيب يا أستاذ ايمن أنا همشي بقي
ايمن قام : ليه بس خليك شويه
حسام : لالا فرصه سعيدة يا أستاذ ايمن
ايمن : أنا أسعد وبعد كده حسام خرج ومشي
ايمن قعد علي الكنبه بأبتسامه انتصار وفرح : أنا هتحسد من دماغي دي بجد طفشتو في ثانيه في ثانيه
داخلو ياسمين وصبا وامها استغربوا لما ايمن بس إللي كان موجود
ام صبا : اومال فين حسام
ايمن بحزن مصطنع: يعني جالو تليفون قالو ان سته ام امه ماتت جري علي بره علي طول حتي من غير ما يقولي
ام صبا بحزن: لا إله إلا الله ربنا يرحمها
ايمن هز دماغو بتأثر مصطنع ياسمين ربعت أيديها وبصت لايمن برفعه حواجب زي ماتكون بتقولو مش مصداقك راح هو غمز ليها هي اتصدمت علشان كده عرفت إن هو إللي طفشه
ايمن : هي صبا كانت بتصرخ ليه

صبا : مفيش العبيطة دي داست علي رجلي وشاورت علي ياسمين وهي ضحكت
ايمن : طيب استأذن أنا وأي جديد قولو وأنا هبقي في الخدمه
ام صبا : ربنا يكرمك يا بني
ايمن ابتسم وبعدين بص لصبا : هتعوزي حاجه يا صبا
صبا بأبتسامه : تسلم يا ايمن
ايمن ابتسم بحب ليها وبعدين بص علي ياسمين : يلا
ياسمين سلمت علي صبا وامها : طيب تصبحو علي خير هبقي اشوفكو بكره انشالله
ام صبا : ماشي يا حبيبتي وانتي من اهله ايمن و ياسمين خرجو من شقه صبا وداخلو شقه يونس لاقو يونس بيعمل ضغط
ياسمين بصت ليونس وبعدين لايمن وقالت : تصبحو علي خير ودخلت الاو.ضه من غير كلمه زياده
يونس بص عليها بزعل وقام قعد علي الكنبه
يونس : عملت ايه مع الواد ده

ايمن حكاله إللي حصل يونس ضحك عليه : يا خربيت دماغك مش سهل إنت
ايمن بضحك : اومال يعني عايزني اشوفو وهو بياخد حبيبتي مني واسكت
يونس : لا جدع
ايمن : طيب يا شبح تصبح على خير بقي علشان أنا مفرهد علي الاخر
يونس : وأنا كمان هخش أنام علشان بكره نشوف هنعمل إيه ومتنساش إللي قولتك عليه
ايمن : عيب عليك
يونس : تمام
وبعد كده دخلو ينامو

يتبع….

يـتـبـع… أكمل هـنــا الــجــزء الــخــامــس ????