
ياسمين بعد ما كلت الاكل حطت أيدها علي بطنها بشبع وقالت : يااااااه برغم انهم زباله بس اكلهم حلو المال الحلال أجمل يا سلااااام
الباب خبط عليها وهي قالت : ادخل
الباب فتح وكان الجوكر : ها شبعتي
ياسمين بصتله : جوي جوي يا خال دانتو عليكو حبه اكل عسل عسل
الجوكر بضحك : بالهنا والشفا على قلبك
ياسمين بضحك : إللي يهنيك الله يهنيك تعرف أنا المفروض أبقى متعصبه دلوقتي ومرضاش أكل والكلام العبيط ده إللي بشوفو في الروايات بس بجد حسيت براحه كبيره من ناحيتك حاسه إنك مني ومش غريب عني
الجوكر بتوتر: آه م ماهو علشان أنا بعملك كويس وكده فتلاقي نفسك اتعودتي إن قريب
ياسمين بصتله بشك من توتر: يمكن
الجوكر قام بسرعه : طيب اسيبك بقي وهروح أنام بقي علشان تعبان
ياسمين بأبتسامه : ماشي تصبح على خير
الجوكر بأبتسامه : وانتي من اهله وخرج قفل الباب وهو بيتنفس وراح علي او
عند ايمن ويونس
ايمن كان واقف في الطبخ حاطط الهند فري في ودانه وبيقطع الطماطم ولابس تيشرت اسود علي شورت ابيض قصير ولابس شبب الحمام وبقي يرقص شويه ويقطع شويه وجاي يلف وهو بيرقص لاقي يونس في وشو ومربع ايده ورافع حواجبه
ايمن بخضه وهو بيتف في التيشرت بتاعه وبيشل السماعه من ودنو : تفتفتف خضتنى يا إسمك كده تخش من غير احم ولا دستور قاطعتلي الخلف يا اخ يونس
يونس ابتسم وبعدين مسكه من رقبته مره وآحده وقال وهو بيضغط علي سنانه : الاكل لو مخلصش في ظرف ربع ساعه انا هخلي وشك الحلو ده شوارع لا ووشك ليه هطردك في عز التلج كده بره البيت بمنظرك ده وأبقى خلي المزز إللي بره ينفعوك ها
ايمن بتوتر : خلاص يا باشا حقك عليا حقك عليا إن إن أهون عليك يا ببلاوي
يونس بصله وبعدين قال : فضلك 10 دقايق إنت حر وبعدين خرج من المطبخ
ايمن بسرعه مسك السكينه وبقي يقطع الطماطم بسرعه اتعور في إيده قال بوجع : يا حسرتااااه صباعي صباعي قطعو السكينه هاتولي دكتور المطافي الاسعاف يلهووووي
يونس بصوت عالي من بره : في حاجه ولا ايه يا حبيبي اجيلك
ايمن بسرعه راح عند الحنفيه وغسل أيده : لا مفيش حاجة حبيبي ده الزيت طش
يونس : زيت طش ربنا يهديك
ايمن بيغرف الغدا ذذذذذذذذذذذذذذذذذذ
ايمن بغضب : لا بقى دانتى رزله آوي ذذذذذذذذذ
بردو يا بنت ال مدايقه مسك الكبشه وبقي يحاول يمو.ت الدبانه هتمو.تي صدقيني هتمو.تي ذذذذذذذذذذذذ بتغيظيني ياعني ذذذذذذذذذذذذ ياااابنت ال ???? يا بارده ذذذذذذذذذذذذ لا بقي مش هسيبك النهاردة يونس قاعد سمع صوت رزع جامد جه من المطبخ اتعصب
يونس بعصبيه قام : وربنا لوريك يا ايمن الكلب دخل المطبخ علي أيمن اتصدم لما لاقي ايمن واقع علي الارض وطبق البيض علي دماغو
ايمن بضحكه هبل : هههههه شوفت يا يونس بقيت ايمن بالبيض إيه رأيك
يونس بعصبيه وقال : يارررررربي وأخد إبن اختي معايا إللي يخربيتك قوم يا زفت خد شاور وحط برفان كتير علشان ريحت البيض متمسكش فيك كتك القرف إنت كنت بتعمل اية وصلك عند الطبق بتاع البيض ها إنت عبيط يلا
ايمن بيحاول يقوم كل مايقوم يتزحلق من البيض قال بطفوله : يا يونس الدبانه بنت ال زنانه دي قاعده ذن ذن ذن جمب وداني قولت وربنا ما نا سيبها غير لما امو.تها ها بس كده
يونس بصدمه : إنت عبيط يااه بتعمل عقلك بعقل دبانه إرحمنى يا رب روح يا ايمن روح يا بابا استحمي برحتك المعفنه دي وأنا هنضف القرف إللي إنت عملتو واحضر الاكل
ايمن بأبتسامه راح عندو علشان يحضنو يونس مسك سكينه كانت علي التربيزه : لو قربت مني هتبقي في قلبك أنا بقولك اهو
ايمن بتزمر : أخص عليك يا عم عيالي دنا عايز نبقي واحد ليه كده تفرق بينا
يونس بصله : نبقي واحد بالبيض امشي يا ايمن اطلع بره يا ايمن غور من قدامي يا ايمن
ايمن : هو إنت بتحفظني اسمي يا يونس مانا عارفه
يونس داس علي شفايفه ومسك الكبشه وجاي يضر.بو بيها ايمن جري يونس رمي الكبشه بعصبيه وقال : أنا ابقي كلب لو قلت للزفت ده يعمل حاجه تآني إبن الهبله عامل عقلو بعقل نمله اووف بعد كده ابتدا ينضف المطبخ بعد مده خلص وحضر الاكل وندي علي ايمن
ايمن نازل بعد ما خد شاور بيشم نفسو : الواحد حاسس إنو لسه ريحته بيض
يونس بصله : اول مره تقول حاجة صح في حياتك فعلا
ايمن بصله بعدم فهم وبعدين فهم وقال : أنا يا يونس أنا
يونس ضحك وبدأ ياكل : أقعد كل يا اهبل عايزين ننام علشان بكره عندنا يوم طويل
ايمن : اشطا يا برنس
وابتدوا ياكلو بعد كده خلصو الاكل ولمو الاطباق وطلعو ينامو
يتبع….
تآني يوم ايمن كان نازل علي السلم وهو بيلبس ساعته وبيغني : ام برواه برواه اما برواه نور حبيبي ترواه آخر ترواه قله حبيبي ملامه عطشانه يااامااا ارحلو ولا أروح أشرب
حناا ا ا ا ا ا ا ا ا
يونس بسخريه : إيه الشريط سف وبعدين صوتك وحش
ايمن بصله بتذمر : علي فكره بقي أمثالك دول إللي بيسموهم أعداء النجاح إنت تعرف حاجه في الفن يا جاهل
يونس بيشاور علي نفسه : جاهل أنا جاهل بعد كده مسك ايمن من رقبته : طب قدامي بقي بدل معمل وشك شاورما
ايمن وهو بيترمي عليه وبيقول بصوت انوثى : بس متزقش بس أمو.ت في حمشنتك والله تتجوزني واعطيك 100 بجره
يونس بصله وسابع ومشي ايمن جري وراه : طب 200 تمشي طب 250 أي حاجه طيب يا شبح وخرج وراه ركب العربيه جمبو وقال بجديه : هنروح فين
يونس وهو بيدور العربيه : هنروح عند الجوكر في الشركه
ايمن : ايوه بس اشمعني
يونس : علشان هو إللي معاه كل حاجه إن عاوز أعرفها
ايمن : طيب يلا
يونس هز دماغه ومشي بالعربيه
عند ياسمين بتتقلب وصحيت من النوم علي صوت غريب جمبها بصت لاقت جمبها كلب كبير مطلع ليها لسانه اتخضت وقامت نطت من علي السر.ير وقالت بصريخ: يلهوووووووووي كللللللللللب يا ليله ياااااااااختي يا ولاد الجزمه يلي هنا كلللللللللللب يا جوكر يا خربيت ابوكو
الكلب : هوهوهوهوهوهو
ياسمين : هوهو هو دي كمان بيهوو يا ختي
بنت دخلت من إللي شغلين بسرعه : ماذا سيدتي لما تصرخين هكذا
ياسمين بصريخ : بتقووووولي إيه آنتي يا خربيت أمك شيلي الكلب ده
البنت : سيدتي هذا كلب مستر جوكر وهذا كلب لطيف جدا
ياسمين : أنا كل إللي فهمتو الجوكر يبقي أكيد الكلب ده بتاعه ده جايب ديناصور مش كلب تليفون البنت إللي واقفه وكان الجوكر وطلب منها تدي التليفون لياسمين
ياسمين : الو
الجوكر : إيه مالك بتنهجي كده ليه
ياسمين بعصبيه : إنت إزاي تسيب كلابك كده منطلقه متحطهاش في قفص ليه ده كان هيقطعلي الخلف ده ايه هو ده
الجوكر بضحك : طيب اهدي معلش وبعدين ده ماكس مطيع جدا وهتحبيه
ياسمين : احب مين احب مين ده زي الديناصور انت مربيه إزاي ده
الجوكر : ماهو قاطعه صوت السكرتيرة: باشا في آتنين عايزين حضرتك بره
الجوكر : طيب دخليهم
السكرتيرة : تمام يا فندم وخرجت
الجوكر : متخفيش يا ياسمين والله ده لطيف خالص
ياسمين أنا مش عارفه إنت قاطع كلامها لما سمعت صوت صدمها
يونس : السلام عليكم
ياسمين بصدمه : يونس
الجوكر : طب يا ياسمين هبقي اكلمك بعدين وقفل
ياسمين لسه في الصدمه : يونس هو جه هنا طب إللي ودا عند الجوكر اما الجوكر يجي هبقي اسالو
الجوكر لما قفل مع ياسمين قال : اهلا مين حضرتكو
يونس بصله : هو إنت بجد متعرفش إحنا مين ولا بتستهبل
الجوكر بضحك : وهل يخفى الشبح ازيك يا شبح
يونس ضحك وحضنو: تمام إزيك إنت
الجوكر : زي الفل
ايمن بعدم فهم : أنا مش فاهم هو في إيه
الجوكر وهو بيوشوش يونس : هو ميعرفش ولا إيه
يونس بضحك : نو
الجوكر : يا غلبان
ايمن : متفهموني في إيه
يونس بص للجوكر : هتقول أنت ولا أقول إنا
الجوكر بضحك :لا قول إنت
يونس ضحك : اشطا وبعدين بص لايمن : إنت طبعا تعرف الجوكر بس متعرفش هو مين صح
ايمن هز دماغو ب آه
يونس : احب اعرفك جاسر الهواري المعروف بالجوكر
يبقى إبن عم ياسمين
ايمن اتصدم : إيه
يتبع….
يونس : جاسر الهواري إبن عم ياسمين
ايمن بصدمه : إيه يا حلاوه إنت بتهزر صح
يونس : لا وإنا اهزر ليه دي الحقيقه
ايمن : طب ازاي وانت يا يونس إزاي متقوليش
يونس : تعالي أقعد وإنت هفهمك كل حاجه
ايمن : اديني قاعدت اتفضلو فاهموني
يونس : بص
فلاش باك
كان يونس قاعد في اوضته إللي في شقته
علي الاب توب بتاعه تليفونه رن وكان رقم غريب
يونس استغرب ورد : الو
جاسر (الجوكر) : مساء الخير حضرتك يونس عبدالله
يونس بأستغراب : آيوه أنا مين معايا
جاسر : أنا الجوكر أكيد سمعت عني
يونس اتصدم : الجوكر أكيد طبعا بس هو إنت متصل بيا ليه
جاسر : أنا أبقى إبن عم ياسمين أشرف الهواري جاسر الهواري
يونس بصدمه : نعم إبن عم ياسمين إزاي
جاسر اتنهد : ايوه انا ابن عم ياسمين انا بقالي كتير براقب ياسمين من ساعه تقريبا ماجت قاعدت في الشقه بتاعتك وبصراحة اتنرفزت آوي لما لاقتها اترمت في الشارع وجت سكنت في شقتك بس اللي خلاني اكلمك أني خوفت عليها من ناصر الصاوي لما عرفت إنها هي الضحيه الجديده ليه
يونس : بس هو إحنا متفقين معاها علي كده علشان موقع ناصر
جاسر بغل : أنا آكتر واحد عايز ادمر ناصر الصاوي ده
يونس : ليه هو عملك حاجه
جاسر بسخريه : عمل بس ده عمل حاجات كتير
يونس باحراج : طب ينفع لو مفيهاش رخامه مني تعرفني عامل إيه حضرتك زي ما عارف انى ظابط في ده هيفيد في القضيه
جاسر خد نفس وابتدا يحكي : من سنه كده كنت خاطب بنت جميله جدا وقلبها طيب وبتحب الخير لكل الناس وأنا كنت بحبها حب فوق الوصف وهي كمان كانت بتحبني كانت هي الوحيده لابوها وامها وكانت ملاك بتحب الضحك والهزار في مره
كانت قاعده في جامعتها جت ليها زميله جديده جت قاعدت معاها وبقت قريبه منها آوي بس لما دعبست وراها عرفت انها تبع ناصر كان زققها علي ساره اللي هي خطيبتي دي لما شافها قبل كده في محل ورد بتشتري ورد لبنت خالتها علشان نجحت من ساعتها مشلش عينه من عليه مش حبا فيها لا علشان هي دي إللي كانت هتبقي الضحيه بتاعته في شبكات الدعاره أو تجاره الأعضاء وطبعا كنت عارف انو كل سنه بيستخدم البنات في حاجه شكل علشان كده طلب من ريهام البنت أللى كان مسلطها علي ساره إنها تبقي معاها وإنا لما عرفت إنها تبعو كنت علي طول أقول لساره تبعد عنها علشان هي مش كويسه ومرضتش أقولها إنها تبع ناصر وفي يوم كنت بجهز الفيلا اللي احنا كنا هنعيش فيها تليفوني رن برقم غريب رديت لقيته ناصر إللي أتكلم
ناصر : الو يا جوكر باشا
جاسر : مين معايا
ناصر : تؤ تؤ تؤ كده ازعل متعرفش صوتي يا جوكر
جاسر بصدمه : ناصر
ناصر بأبتسامه : اسم عليك أنا آه المهم عندي ليك هديه حلوه كده يارب تعجبك افتح كاميرا كده
جاسر قلبه دق بخوف وفتح الكاميرا اتصدم لما لاقي ساره بتعيط وبتبص ليه بخوف
جاسر بزعيق وخوف : ناااااااااصر الا سااااره ساره لااااااا يا ناصر بلاش ساره
ناصر بضحك : خايف عليها يا جوكر بس عندك حق البت قمر بصرآحه وعلشان كده هاخد إللي أنا عايزو منها وبعد كده اممممم تفتكر أعضاء ولا دعاره والله لو دعاره هتكسب كتير هههههههههه احنا هنخليها دعاره بس لما مزاجي أنا الأول هههههههه انا قولت نشوفها لآخر مره ههههه باي يا جوكر وقفل
الجوكر بزعيق : لااااااااااااااا ناصر لااااااااااااااا ورزع التليفون في الارض وقعد علي الارض بقله حيله وفضل يعيط زي الاطفال
جاسر بتكمله : بعدها بشهرين عرفت انها انتحرت علشان متجبش العار لأهلها وترتاح من العذاب اللي هي فيه وانا مكنتش عارف اوصل ليها كل ماجي اوصل ليها هو ينقلها في مكان تاني لحد ما استسلمت ومو.تت نفسها ومن ساعتها وأنا حالف أعذب ناصر لحد ما يمو.ت بس أنا بعد كده عرفت من مصادري الخاصه انو ناوي علي بنت جديده ياخدها تاجر أعضاء والبت دي عرفت إنها ياسمين بس أنا مكنتش اعرف انها بنت عمي غير لما دورت وراها كويس وعرفت انها هي وكمان زعلت اوي لما عرفت إن عمي ومرات عمي ماتو في حادثه وكنت خايف جدا إنها قاعده لوحدها بس لما عرفت انها قاعده عندك كنت مدايق إن هي إزاي قاعدة في شقه عازب لوحده بس عرفت انك انت الشبح بتاع المخابرات الجدع الشهم إللي مستحيل ياذي بنات الناس اطمنت بس بردو مش هرتاح غير لما أخلص كل الناس من شر ناصر الصاوى
يونس : يااااااه دانت حكايتك كبيره آوي ربنا يرحمها ويصبرك
جاسر مسح دمعه نزلت من عينه : امين يارب بس الا قولي انت ازاي قدرت تقنعها انها تقعد معاك اصلي إللي عرفتو عنها أنها شرسه وملهاش في العوج
يونس ضحك : لا دي حكايه طويله هحكيهالك وحكى ليه كل حاجه من أول ما اللوا قاله علي المهمه لحد دلوقتي
جاسر ضحك جامد : يخربيت دماغكو يا عالم يا هبله هههههههه والتانيه عبيطه صدقت
يونس بضحك : آه والله على نياتها اوي
جاسر بابتسامه : تعرف اني فرحان إن عندي بنت عم علشان تقريبا كل إللي في عيلتنا رجاله يعتبر هي البنت الوحيده حاسه انها لو جت عندنا القصر هتدي فرحه للبيت
يونس بغيره علشان البيت كله في رجاله : لا ياعم تروح فين والبيت في رجاله إللي عايز يشوفها يجي عندنا في الشقه بتاعتي البيت ينور
جاسر بخبث : الله إنت بتغير يا شبح ولا إيه
يونس بتوتر بس قال بصراحه : ا آه بغير وبحبها كمان ومقرر إن المهمة دي تخلص علي خير واطلب أيديها للجواز
جاسر بفرح لبنت عمه : بجد با يونس ده هيبقي أحسن حاجة هتعملها
يونس بحب : إنت متعرفش هي غاليه عندي قد إيه دي حب حياتي دي كل ماليا
جاسر بضحك : الله الله ياعم مين قدك بس اسمع هي ليها رجاله يا بابا تيجي تطلب أيدها منهم
يونس بضحك : أكيد
جاسر : ربنا يقدم إللي في الخير المهم عايزين خطه نوقع بيها الزفت إللي أسمو ناصر ده
يونس : إنا هقولك
وقالو علي الخطه اللي طبعا انتو عارفين اللي حصل من اول ما ناصر خطف ياسمين لحد ما جاسر خدها
باك
ايمن بذهول : يا ولاد اللذينه يعني جو إن ناصر يجبها هنا روسيا دي كانت خطتكو
يونس : طبعا والدليل إنها نجحت أهي وياسمين بأمان في بيت إبن عمها
ايمن بص لجاسر : بس معلش يا اخ جاسر هو إنت بتشتغل ايه
جاسر بأبتسامه : ظابط في المخابرات برضو معاكو يعني بس عامل هنا إني في المافيا وكده علي الدور يسبك
ايمن بصدمه : يا حلاوه بس اسمك الجوكر ده هوهو لقبك في المخابرات
جاسر : لا إنا لقبي في المخابرات الحوت بس هنا الجوكر المهم مش عايز حد فيكو يعرف ياسمين اني قريبها غير بعد المهمه ما تخلص علشان اخدها واعرفها علي عيلتنا لما ننزل مصر انشالله
يونس بغيره : برضو برضو عايز تنفذ إللي في دماغك
جاسر بضحك : أكيد يا يونس مش لازم تعرف عيلتها مين
يونس سكت بغيظ وغيره
ايمن : طيب إحنا هنعمل اية دلوقتي
جاسر : لازم نعمل خطه علشان نوقع كل مقر المافيا اللي هنا الباشا عندي في المخزن وناصر في مصر معاكو يعني آكتر عضوين في المقر معانا ناقص الراس الكبيره وده مش سهل أبدا
ايمن : ومين بقي الراس الكبيرة دي
جاسر بهدوء : الكوبرا
يتبع….
جاسر : الكوبرا
يونس : الكوبرا انا كنت اسمع عنو ان كل الدول يعتبر حاولت تقبض عليه لانه مطلوب في اكتر من دوله بس هو زي الزيبق بيختفى في ثانيه
جاسر خد نفس : آه فعلا ماهو علشان كده قررت ادخل وسطهم أنا بقالي معاهم 5 سنين قدرت أعرف مداخلهم ومخارجهم بس الكوبرا ده اللي بيفلت مني معايا ولا اية
يونس حط أيده علي أيد جاسر : معاك طبعا شوفت إنت عايز تعمل إيه واحنا معاك ولا إيه يا ايمن
ايمن بهزار بصوت صفصف في جعفر العمده : طبعااااااا
كلهم ضحكو عليه واتفقوا هيعملو اية
جاسر : أنا خايف اروح البيت
يونس بأستغراب : ليه
جاسر : من هولاكو اللي في البيت ده قصدو علي ياسمين
أيمن ضحك : هههههه يقصد ياسمين يا يونس باينه آوي
يونس : وياسمين هولاكو ليه بقي يا أخويا دي نسمه
ايمن بسخريه : نسمه طبعا ما القرد في عين امه غزال
يونس مسك القلم وحدفه عليه : احترم نفسك يا مهزق
ايمن ضحك
يونس بص علي جاسر : ليه بقى يا اخ
جاسر بصله : لان يا باشا هي سمعت صوتك ولما أروح هتفضل سين وجيم ومش هخلص هي أي نعم طيبة وعلي نياتها بس اللي عرفتو عنها أنها فضوليه اوي
يونس : اممممم طب ما تقولها
جاسر بصله : أقولها إيه
يونس : أقولها إني جيت ليك
جاسر ربع أيده : وجيت ليه يا بقى يا عم الاور
يونس : علشان أسال عليها ماتقول أي حاجه يا عم
ايمن : ياجدعان وليه التحوير ماهي عارفه إللي فيها متقولو الحقيقه علي طول
جاسر وايمن : خايفين
ايمن بصدمه : خايفين من إيه إنت عبط يا جدعان هي الشحات مبروك ده ياسمين يعني
يونس وجاسر بصو لبعض وسكتو
بعد شويه تليفون جاسر رن وكانت البنت إللي بتقعد مع ياسمين
جاسر رد
جاسر : الو جاكي( انا هقول ترجمه بالعاميه وخلاص بقي ????????)
جاكي البنت : سيد جوكر الانسه ياسمين بتصرخ وعايزه حضرتك
جاسر غمض عينه : أهو ده إللي أنا كنت عامل حسابه
وبعدين قالها : طيب أنا جاي وقفل
يونس : في إيه
جاسر : زي ما قولتلك يا أخويا ياسمين عماله تصرخ في البيت وعايزاني أهو
يونس ببساطه : طب متروح
جاسر : هتخبطني بحاجه في وشي دي غبيه
ايمن بتفكير : لو عملت ليك حاجه قبل ما تعمل قولها هجبلك شوكلاته وبرجر هي بتسمع سيره آلأتنين دول بتبقي زي الطفله
يونس بصله بغيره : وإنت ايش عرفك بقي يا روميو
ايمن بصله بخبث : أصلي لما كنت بمشي معاها يعني بنروح المشاوير وكده كانت تشوف اي محل في شوكلاته برجر تقولي جابلي منو وتفضل تطنطت زي العيال هي كيوته طفله كده قمر
يونس حدفه بالملف اللي علي المكتب : طب اخرس بقي وخلي ايامك معايا تعدي ها
ايمن بعد عن الملف وهو بيضحك
جاسر بضحك بص ليونس : طب أروح ليها بقي وهبقي اتصل بيك قبل ما تدخل البيت
ايمن : ربنا معاك يا باشا وسلم علي الشهدا إللي معاك بقي
جاسر : واطي يا مان يلا نزلو هما التلاته من الشركه ومشيو
بعد شويه وصل الجوكر البيت
راح قدام او.ضه ياسمين وهو بياخد نفسه فتح الباب استقبل ازازه الميه في وشو وطي قبل ما تيجي فيه
وبصلها لاقها بتبص ليه بعصبيه
جاسر : أهدي كدة أهدي
ياسمين بعصبيه : هسألك سوال واحد بس يونس كان عندك ولا لا
جاسر بلع ريقه: ها
ياسمين : هو إللي ها يونس كان عندك ولا لا
جاسر بثقه : آه كان عندي فيه حاجه
ياسمين بصدمه وفرحه : بجد طب طب مجاش ياخدني ليه
جاسر : ياجي ياخدك فين انتي في خطر وهنا أمن مكان ليكي
ياسمين بسخريه : يا جدع هنا امان من إني اتجاهه وبعدين انت لحد دلوقتي مش قولتلي إنت مين
جاسر : ما قولتلك مش لازم تعرفي
ياسمين بغضب : لا عايزه أعرف أنا مش هفضل زي الأطرش في الزفه كده
جاسر : بقولك ايه انا دماغي مصدعه دلوقتي فكك مني بقى أوف ستات نكد وسابها وخرج قفل الباب وهو بيضحك
ياسمين بصدمه : ستات نكديه هو محسسني إني مراتو ليه ده إيه الوكسه السودا دي أوف ماشي يا يونس يا واطي
بليل
كان يونس و ايمن وجاسر قاعدين في الشقه اللي يونس وايمن قاعدين فيها
بيتكلمو تليفون جاسر رن وكان حارس من الحراس بتاعه
رد : الو
الحارس : جوكر باشا الانسه ياسمين اتخطفت رجاله الكوبرا خدتها
جاسر بصدمه : ايه
يتبع….
الحارس بتوتر : جوكر باشا الانسه ياسمين اتخطفت رجاله الكوبرا خدتها
جاسر بصدمه وعصبيه : إيه وانتو كنتو فين يا اغبيه
الحارس بخوف : حضرتك هما رشو مخدر علي وشنا ومحسناش بنفسنا غير وإحنا في الارض في الجنينه وانسة ياسمين مش موجودة
جاسر بغضب : اقفل يا غبي وقفل السكه
يونس بقلق : في إيه يا جاسر ياسمين جرا ليها حاجه
جاسر بص ليه وخايف يقولو وكان ساكت
يونس بخوف : متتكلم يا جاسر في إيه
جاسر اتنهد : رجاله الكوبرا خطفت ياسمين
يونس وايمن اتصدمو
يونس بخوف وعصبيه : إزاي ده يحصل دانت قولت بيتك أمان إزاي ده ورجالتك كأنو فين
جاسر : رشو علي وشهم مخدر إحنا لازم دلوقتي نعرف فين مكان ياسمين علشان الكوبرا مش سهل
ايمن : يعيني عليكي يا بنتي ياللي المصايب بتبقي فوق دماغك البت دي مظلومه معانا والله الله يسامحك يا سياده اللوا دخلت البت في القرف ده وهي ملهاش ذنب في حاجه
يونس عمال يلف حوالين نفسه بعصبيه : طب هتعمل إيه دلوقتي
جاسر : أنا هتصرف وانشالله هنقدر نوصل ليهم
يونس بصله وقال من جواه : يارب وبعدين قال بصدمه : إزاي نسيت
جاسر : في إيه
يونس مردش عليه وطلع تليفونه عمل مكالمه
في مصنع مهجور
كانت ياسمين علي الكرسي مربوطه ومغمي عليها ابتدت تفوق وحست نفسها مربوطه ودراعها بيوجعها آوي
ياسمين بصداع ووجع : آه يا دماغي واه يا دراعي آه يا كلي
إيه ده هو أنا فين احيه لكون اتخطفت تآني لا تآني ايه قولي رابع خامس دانا اتخطفت آكتر ما بيتقلي صباح الخير ومين المرادي بقي
شافت الباب بيتفتح وبيخش حراس كتير
ياسمين بذهول : مشالله إيه كل ده هو الريس داخل ولا إيه
دخل عليها شخص لابس بدله بيضه وبورناطه بيضه وخواتم وسلاسل فوق بعض وماسك سجاره واقرع و ماسك عصايه
ياسمين بصتله بذهول : هو بيصورو مستر أكس الجزء الثاني ولا إيه مين ده راخر
الكوبرا بثقه : هاي
ياسمين :هاي ورحمة الله وبركاته يا أخويا مين سعادتك إنت كمان
الكوبرا بيتكلم مصري علشان هو مصري أصلا : ازيك يا ياسمين (بقلمي : sos khalil)
ياسمين : هو أنا إسمي مسمع آوي كده في روسيا أنا كويسه يا أخويا إنت مين بقي انشالله
الكوبرا بضحكه : ها هاها هو آنتي متعرفنيش
ياسمين بقرف : لا والله محصلناش القرف قصدي الشرف
الكوبرا : أنا الكوبرا أكبر زعماء المافيا هنا في روسيا
ياسمين بصدمه : يا حلااااااوه مافيا تآني لا والكبير كمان ده انا حظى حمار مخطط يا ليله سودا في تآني دي وراك ولا انتو خلاص خلصتو ونبي تعالو دفعه واحده علشان أنا بس زهقت كل شوية يظهر شخص جديد أنا تعبت بصرآحه
الكوبرا : ههههه لطيفه
ياسمين بغباء : لا يا أخويا أنا ياسمين
الكوبرا ضحك : هاها وكمان دمك خفيف
ياسمين بصتله بقرف : وده ايه أصله ده انشالله متقولي انت عاوز ايه بقرعتك دي
الكوبرا بصلها بغضب : لا وكمان لسانك طويل أنا مش بحب الغلط
ياسمين بصتله : مقولتش برضو عاوز ايه ( بقلمي : sos khalil)
الكوبرا : ناصر
ياسمين بأستغراب : ناصر
الكوبرا هز دماغو : آه ناصر هو فين
ياسمين بصتله وبعدين قالت بسخريه : تعالي كده دور في جيبي يمكن تلاقيه مستخبي هنا ولا هنا
الكوبرا بعصبيه : انتي بتتريقي
ياسمين بشجاعه اكتسبتها موخرا : مانت إللي كلامك مش منطقي بصرآحه وإنت متعرفش معاني يعني المافيا المفروض يعرف كل حاجه بس ماشي ناصر مقبوض عليه ده إللي اعرفه أي حاجه تآني لا وبعدين إنت خطفني استفدت حاجه لا صح ملهاش لزمه قديمه انك تخطف والجو ده بقي مقرف آوى بصرآحه
الكوبرا بغضب : ماشي وسابها وخرج
ياسمين قبل ما يخرج : مقولتش إنت مين يا عسل
الكوبرا بص ليها بغضب ومشي
ياسمين بصت عليه بقرف : كتك نيله في قرعتك وبعدين قالت بضيق: امي وابويا جابوني للدنيا على اتخطف بس اوف يارب بس إما أشوفك يا جوكر الكلب وبعدين قالت بتريقه وهي بتقلد جاسر : المكان ده أمان عليكي ومخدش هيعرف مكانك بس إما أشوفك بس إن مطلعت زورك في أيدي ماشي اااه الله يخربيت ابوهم شدين الحبل اوي آه يا دراعي اوف يارب بقي
عند يونس كان رايح جاي ومستني المكالمه
بعد شويه التليفون رن يونس رد بسرعه
يونس : إيه يا سمير عملت ايه
سمير : عرفت مكانها يا باشا
يتبع….
سمير : عرفت مكانها يا باشا
يونس بفرحه :بجد فين يا سمير
سمير :هبعتلك العنوان وقفل
بعت ليونس العنوان
يونس بسرعه : يلا بسرعه نروح مكان ياسمين
جاسر بلهفه : إنت عرفت مكانها
يونس : آه آه يلا بقي
ايمن : طب عرفت إزاي يعني
يونس إفتكر
فلاش باك
كانت ياسمين قاعده جوه في إلاو.ضه علي تليفونها الباب خبط
ياسمين : ادخل
دخل يونس
ياسمين : إيه يا يونس في حاجه
يونس طلع سلسله شيك جدا وسيمبل من جيبه وحطها قدام ياسمين
ياسمين بانبهار : الله يا يونس جميله آوى بتاعة مين دي
يونس بحب : بتاعتك
ياسمين بصدمه : بتاعتي انا
يونس : اممم بتاعتك وأنا جايبها هديه ليكي يعني بمناسبة إن عيد ميلادك قرب
ياسمين بفرحه : بجد يا يونس أنا مش اقولك ايه
يونس بأبتسامه : متقوليش حاجه اهم حاجه ان انتي اتبسطي فيها بس أنا ليا طلب عندك
ياسمين بأستغراب : أتفضل
يونس : عايزك تفضلي لابساها ومتقلعهاش خالص
ياسمين استغربت : ليه يعني يا يونس
يونس : اسمعي الكلام وخلاص يا سمين
ياسمين : ماشي يا يونس حاضر
يونس ابتسم : يحضرلك الخير يلا اسيبك بقي وطلع من الاو.ضه وفضلت ياسمين بصالة وهي مش فاهمه حاجه لبست السلسله ونامت وهي حضنتها
باك
ايمن بصدمه : يابن اللذينه ومقولتش ليا يا يونس
يونس بصله : مانا لو كنت قولتلك كنت رحت عرفتها وإنت مشالله حدث ولا حرج في الرغي
ايمن بتذمر : إنا أخص عليك يا يونس مكنش العشم يا صاحبي
يونس شوح ليه : ياعم اتنيل بقي مش وقتك يلا جدعان
جاسر : يلا وخرجو ركبو العربية ورايحين مكان ما ياسمين موجوده واتصلو بدعم ليهم
عند ياسمين كانت قاعده زهقانه آوي
ياسمين بزهق : طب مش كانو يحطو تليفزيون ولا حتي راديو فين أيام يا جوكر ااه يا مراري يا جدعان ياللي هنا انا جعانه ده ايه العالم قليله الذوق دي المفروض لما يخطفو حد يعملو معاه واجب إيه العالم البخيله دي اوف يارب حد يجي يخرجني من هنا بقى في نفس الوقت سمعت صوت ض.رب نا.ر بره
ياسمين بخضه : يا خرابي إيه الصوت ده استر يارب
يونس بره هو وايمن وجاسر والدعم بتاعهم بيض.ربو نار على رجاله الكوبرا
كانو رجاله كتير اوي
ايمن وهو بيضر.ب قال بصوت عالي : يااااا ولاد ال ???? دول زي النمل ده كأنهم بيتولدو من جديد الكوبرا ده مش سهل بجد
جاسر وهو بيض.رب : طبعا مش سهل ده الكوبرا يا بني
بعد نص ساعه تقريبا من الض.رب رجاله كتير من رجاله الكوبرا ماتو بس لسه فاضل ناس يونس شاور لجاسر بمعني غطي عليا جاسر عمل كده ويونس فضل يمشي لحد ما وصل للمكان اللي فيه ياسمين فتح الباب ودخل شافها قاعده علي الكرسي مربوطه
ياسمين بصدمه وفرحه : يونس
يونس ابتسم : اوووف حظك ده فله كويس إنك لابسه السلسله
ياسمين بصت للسلسله إللي هي لابسها وبعدين بصتله : آه لبساها بس ليه بتقول كده
يونس : في جهاز تتبع فعرفت اوصلك عن طريقه
ياسمين بعصبيه : والله وجاي تفتكر دلوقتي ما لما الزفت ناصر خطفني انت مجتش لحد متصبت ومره التانيه الجوكر بس فعلا زي ما بيقولو التالته تابته
يونس ضحك : كان عقلي واقف ساعتها ساعه ناصر وإنتي عارفه إللي حصل بيني أنا وايمن بس اديني انقذتك أهو أما الجوكر بقي
ياسمين كانت لسه هتتكلم دخلو ايمن وجاسر بعد ماخلصو علي كل الرجاله بره وطبعا كان معاهم الدعم
ياسمين بصدمه وهي بتبص لجاسر : إيه ده إنت بتعمل إيه هنا
ايمن : كويس إنك بخير يا ياسمين
يونس بص لياسمين : جاسر الهواري إبن عمك ياياسمين
ياسمين اتصدمت : نعم إبن عمي أنا
جاسر : آه إبن عمك ياياسمين
ياسمين : طب طب ازاي
يونس: هنفهمك كل حاجه بس نفكك الأول ونخرج من هنا وراح علشان يفكها
صوت من وراهم : اهلا اهلا اهلا منورين يا شباب
كلهم بصو وراهم واتصدمو لما لاقو الكوبرا
يتبع….
الكوبرا : اهلا اهلا يا شباب
كلهم بصو ليه بصدمه
الكوبرا بأبتسامه مستفزه: منورين والله
يونس ببرود: بس إنت لا
الكوبرا بضحك : كده بردو يا شبح دنا حتي بحبك
ايمن وشوش جاسر : هو مين ده
جاسر بغل : الكوبرا
ايمن بصدمه : يا راجل هو ده بقي
جاسر هز دماغه بهدو
ايمن بص علي شكله: وهو ماله لابس زي الحراميه إللي في أمريكا كده ليه إيه جو مستر اكس ده
ياسمين بصتله : ونبي يا بني أنا بردو قولت كده لما شوفتو
الكوبرا : لآسف انتو دخلتو عريان الاسد يبقو كلكو لازم تم.وتو
يونس باستفزاز: ياما تصدق خوفنا خوفتنا بجد
ياسمين بخوف : أنا خايفه أنا خايفه متجمعش
الكوبرا بغضب : لازم تخاف علشان أنا الكوبرا
يونس قرب منه وقال ببرود: طظ
الكوبرا غضب جدا وجاي يض.رب يونس بالمسـ،ـدس جاسر بحركه سريعه ض.ربو بالمسـ،ـدس بتاعه طـ،ـلقه في ايده
الكوبرا رمي المسـ،ـدس من أيده بوجع وصريخ من الم أيده
رجاله الكوبرا كانو لسه هيطلعو المسـ،ـدسات ويضر.بوه يونس وايمن ضر.بو كل واحد فيهم طـ،ـلقه في دماغه
جاسر قرب من الكوبرا ومسكه من هدومه بغل : دنا دخت عليك السبع دوخات خلاص هننزل مصر وهتشرف علي مشنقه عشماوي
الكوبرا ضحك : تصدق ضحكتنى أنا الكوبرا يعني مامتوش بسهوله
ايمن راح قدامه : ياجدع متقولش كده هتمو.ت يعني هتمو.ت كده كده التعابين ديتها طـ،ـلقه وخلاص بس إحنا رجاله قانون وإنت مطلوب القبض عليك في كذا دولة بس مصر هتقوم بالمهمة العظيمه دي تسمحلي كده وراح غرز حقنه مخدر في رقبه الكوبرا علي فجاه الكوبرا وقع علي الارض
يونس بصله بصدمه : إنت عملت إيه ياخربيت أمك
ايمن : معملتش حاجه دي حقنه مخدره بس علشان ننقله مصر برحتنا الحقنه دي تنيم جمل يعني مش هيصحى دلوقتي
يونس : ماشي
ياسمين : ممكن تكوني طيب
يونس فكها
ياسمين قامت وقفت وقالت : أنا عايزه ارجع مصر دلوقتي عابزه ارجع بيت أبويا وأمي
جاسر: بس يا سمين قاطعته ياسمين بعصبيه : إنت بذات متتكلمش يا كداب كلكو كدابين أنا لعبه في ايدكوا صح تقولولها تروح يمين تروح شمال تروح لا إنت وهو أنا مش لعبه في أيد حد واديك أهو يا أستاذ جاسر أو يا جوكر بقي معاك آتنين من أكبر رجال المافيا وانت يا يونس بقي معاك ناصر كده خلصتو المهمة بتاعتكو مش عايزه أشوف وش حد فيكو أنا هرجع بيت أبويا وأمي ومحدش ليه دعوه بيا فاهمين
يونس بسرعه : ياسمين انتي عارفه اللي فيها صح مش عارفه ان اللوا هو إللي قال علي المهمه دي وإحنا ملناش ذنب وعرفتك كل حاجه مكدبتش عليكي
ياسمين : لا كدبت وكدبت كمان لما عرفتنيش إنك تعرف الجوكر
يونس : إحنا عملنا كل ده علشان نحميكي يا ياسمين
ياسمين بزعيق : تحموني من إيه ها تحموني من إيه هو إنا إللي دخلت نفسي في الحورات بتاعتكو دي مش انتو إللي دخلتوني قصرو أنا عايزه ارجع مصر دلوقتي علشان ارجع شقة ابويا وامي ماشي
جاسر : طيب ياسمين انتي مش هتيجي تشوفي اهلك
ياسمين بسخريه دموع : اهلي هما فين اهلي دول اهلي اللي مسالوش علي ابويا وامي عايشين ولا ميتين والله واعلم دلوقتي زمانهم عرفو ولا لا بس يا جاسر أنا مليش أهل ومش عايزه أعرف حد فيهم اللي كان عايز يعرف من الأول كان دور علينا ومكنوش سابوني لوحدي حتي لو معرفوش إن بابا وماما ماتو بس أنا مش عايزه أعرف حد فيهم ولا حتي اعرفكو وراحت خرجت من المصنع
التلاته بصو عليها بحزن
يونس بحزن : شكلي هرجع لنقطه الصفر تآني
جاسر بحزن : وأنا مش هعرف اخليها تسامحني ولا حتي تيجي تشوفي أهلها
ايمن بحزن وغباء : وانا مش هعرف أتقدم لصبا يونس وجاسر بصو ليه بغضب ايمن بسرعه : علشان يعني ياسمين زعلانه وكده آنتو فاهمتو اية وبلع ريقه بتوتر
يونس : نرجع مصر بس ونسيب كل حاجه بظروفها
بعد شويه ركبو كلهم العربيات والدعم قدر يقبض علي باقي افراد المقر بتاع المافيا وصفاه خالص
وايمن و يونس وجاسر وياسمين ركبو طياره خاصه ونزلة لمصر وركبوا الكوبرا والباشا في طياره تانيه وطبعا وهو آلأتنين مغمي عليهم بعد 6 ساعات سفر وصلو مصر
جاسر وايمن راحو يسلمو الكوبرا والباشا مكان المقر بتاعهم إللي فيه ناصر وبعدين كل واحد روح علي بيته
يونس دخل مع ياسمين الشقه
يونس : ياسمين إنا قاطعته ياسمين وهي ضهرها ليه : بكره انشالله نصحي وهلم حاجتي و إنت كلم صاحب البيت يرجع بيت امي وابويا تاني وياريت لو تكرمت تشوفيلي عربيه تنقل حاجتي تصبح على خير ودخلت اوضتها
يونس بص عليها بحزن ووجع : مش هقدر ابعد عنك يا سمين واوعدك هعمل اي حاجه علشان تسامحيني
وبعدين دخلت اوضته نام
تآني يوم يونس جهز كل حاجه ياسمين قالت عليها طبعا غصب عنو وساعدو في كده ايمن
ايمن بص لياسمين وقالها : بردو مصممه
ياسمين بصت ليه من تحت نضارتها وقالت : ايوه ومش هرجع في كلامي
يونس بص ليها بوجع : إللي آنتي عايزاه يا ياسمين
ياسمين من غير ما تبص عليه : طبعا هعمل اللي انا عايزاه وبليل كانت ياسمين قاعده في شقة ابوها وامها
قاعده في اوضتها إللي في شقه ابوها وامها عماله تعيط ونامت وهي بتعيط
تآني يوم الصبح يا يمين كانت قاعده علي الكنبه الباب خبط عليها
قامت فاتحت
ياسمين فتحت لاقت 2 رجاله وشاب
ياسمين بأستغراب : نعم مين حضرتكو
الراجل : أنا صابر الهواري عمك يا بتي
ياسمين اتصدمت :????
يتبع….
ياسمين فتحت لاقت قدامها 2 رجاله وشاب
ياسمين بأستغراب : مين حضرتكو
صابر عمها : إنا صابر الهواري عمك يا بتي
ياسمين اتصدمت وبصت ليه
ياسمين : نعم عمي
صابر : ايوه عمك يا بنتي وده خالك سالم وده إبن خالك سامي
ياسمين ببردو : تشرفنا جاين ليه بقي
سامي بغضب : انتي قليله الذوق كده ليه ماتحترمي نفسك
ياسمين بعصبيه : إنت جاي تهزقني في بيتي يا بتاع إنت
سامي كان لسه هيتكلم صابر وقفه : بس يا سامي ينفع نتدخل يا بنتي
ياسمين بصتله وبعد كده بعدت عن الباب وهما دخلو قاعدو
صابر : ازيك يا بنتي
ياسمين بصت وقالت : تمام خير حضرتك جاي ليه
صابر : جينا يا بنتي علشان ناخدك تعيشي معانا مينفعش نسيبك كده لوحدك بعد ما بوكي وامك ماتو
ياسمين اتعصبت وقامت :نعم بتقول إيه إنت أنا مش هاجي أعيش مع حد فين آنتو زمان لما أمي وابويا كأنو عايشين ها فكرتو دلوقتي تيجو لما ماتو كنت فين لما طردتهم علشان بس حلو بعض واتجوزوا محسسني إنهم عملة جريمه وطردتوهم ولا كأنهم كلاب أسفه مش هروح أعيش مع حد
صابر قام : يابنتي انا مكنتش ضد فكرت جوازهم خالص بالعكس أنا إللي ساعدت ابوكي وامك أنا مليش ذنب أنا وخالك إللي ساعدناهم بس جدك إللي كان معارض جوازهم بس لما عرف إنهم ماتو جاتله جلطه وقاعد في السر.ير ولما عرف انو عندو حفيده قرر انك لازم تيجي تعيشي معاه أنا عارف إنك مش عايزه تيجي ولا عايزه تعرفينا بس أنا وخالك والله ملناش ذنب تعالي شوفي جدك جدك عازوك يا بنتي وانا عرفت انك قلبك طيب ومش بتسيبي حد محتاج مساعده ومتساعدهوش علشان خاطر أبوكى وامك الله يرحمهم تعالى معانا
ياسمين بصتله شويه بضيق وواقفت بس علشان خاطر أبوها وامها
ياسمين بهدوء : طيب بس علشان خاطر حد علشان خاطر أمي وابويا إللي يرحمهم بس
صابر بفرحه ودموع : البيت هينور بيكي يا قلب عمك ممكن اطلب منك طلب
ياسمين بصتله بمعنى إيه
صابر بدموع : احضنك نفسي اشم فيكي ريحه اشرف أخويا
ياسمين بصتله بدموع وهزت راسها وهو حضنها بدموع : يااااااه علي الزمن كاني شامم ريحه أشرف أخويا يا حبيبتي يا بنتي
ياسمين حضنتو جامد وهي بتعيط وقالت : حضنك حلو آوي يا عمي ودافي نفس حضن بابا وعيطت آكتر واحشني آوي وعيط آكتر وهي بتحضن في عمها آكتر
صابر بعياط وهو بيحضن فيها : ربنا يرحمهم يا قلب عمك اعتبريني ابوكي يا حبيبتي أنا عارف محدش هيجيبو بس اعتبريني أنا ابوكي
ياسمين عيطت زياده
وسامي وسالم واقفين عمالين يدمعو
سالم بدموع : إوعى بقي يا صابر احضن بنت اختي الغاليه تعالي في حضن خالك يا حبيبتي
ياسمين خرجت من حضن عمها وهي بتعيط وعينها حمره آوى ودخلت حضن خالها بعياط بردو
سالم بعياط : حبيبت خالك يا ياسمين اااااه الله يرحمك ياختي بنتك نفس حضنك الدافي يا قلبي ربنا يرحمك يا قلب اخوكي الله يرحمك يا غاليه
ياسمين عماله تعيط بردو في حضن خالها بعد شويه
سالم وهو بيمسح ليها دموعها : خلاص يا قلب خالك مفيش عياط تآني آنتي هتيجي تعيشي وسط عيلتك يا قلبي ومحدش هيقدر يدوس ليكي علي طرف علشان انتى حمايه عيله الهواري
ياسمين بصتله وهي عينها محمره ولسه فيها أثار دموع : خايفه
صابر : خايفه من ايه يا قلب عمك
ياسمين بدموع : خايفه محدش يتقبلني هناك
صابر بنفي : لا يا غاليه كلو هيتقبلك وإللي هيعمل غير كده هسود عيشته وبعدين قال بهزار : عمك مسيطر بردو
ياسمين ضحكت خفيف
سامي راح ليها : أنا أسف علي طريقه كلامي معاكي
ياسمين بصتله بأبتسامه : أنا إللي أسفه كنت فاكره أنكو يعني جاين تاخذوني غصب عنى حقك عليا
سامي ابتسم : مفيش اختك بتتاسف لاخوها اعتبريني اخوكي من النهاردة هبقي سندك في الدنيا وابهدل أي حد يجي جمبك يا غاليه
ياسمين بصتله وعيطت تآني
سامي حضنها بسرعه : لالا مش عايز اشوف دموعك تاني انتي دموعك غاليه علينا والله كفايه عياط علشان خاطري
ياسمين ماسكه في حضنو وهى بتعيط : كان نفسي يبقي ليا أخ ياخد حقي من كل إللي بيجي عليا ويحميني
سامي بابتسامه: خلاص بقى كفايه عياط وبعدين أنا جمبك يا قلب اخوكي وهحميكي وهفضل معاكي علطول
ياسمين ابتسمت: ربنا يخليك ليا
صابر وسالم ابتسمو بحب عليهم
وبعدين صابر قال : طيب يلا يا قلب عمك خشي حضري هدومك
ياسمين : هو إحنا هنمشي دلوقتي
صابر : آه طبعا إحنا بيتنا في الشرقيه يعني سفر يدوبك تلحقي تاخدي الحاجه بتاعتك ومتقلقيش شقه ابوكي وامك هتفضل زي ماهي ومفتاحها هيبقي معاكي وقت ما تعوزي تيجي هنجيبك تباتي فيها زي مانتي ما عايزه ماشي يا ياسمينا
ياسمين بفرحه : بجد يا عمي
صابر بأبتسامه : بجد يا قلب عمك يلا بقي علشان الوقت
ياسمين هزت دماغها بمعني حاضر ودخلت تحضر الحاجه اللي محتاجها
بعد نص ساعه كانت ياسمين خلصت لم هدومها وسامي نزل الشنط وياسمين بصت بصه اخيره للشقه وقفلت الانوار وقفلتها وباست المفتاح وحطيتو في الشنطه بتاعتها ونزلت مع خالها وعمها ركبت معاهم العربيه وفي طريقهم للشرقية
عند يونس
كان قاعد هو و ايمن في الشقه بتاعته
يونس بعصبيه : شوفت مشيت مشيت سافرت مع عيلتها كده ياسمين ضاعت مني
ايمن : اوف انت مالك محبط ليه كده وآحده راحت تعيش مع أهلها إنت إللي مدايقك وبعدين مش هضيع ولا حاجه إحنا نكلم جاسر يقولنا هما فين ونروح بعد يومين وتصالحها ولما انشالله تبقو كويسن مع بعض فاتح أهلها في الموضوع أهي سهله
يونس بصله : تفتكر بجد
ايمن : افتكر جدا
يونس : طيب ربنا يقدم إللي فيه الخير
ايمن : انشالله يلا بقي اسيبك واخش أنام علشان أنا خلاص فرهدة فرهدة سودا من يوم النهاردة ده
يونس هز دماغه وايمن دخل الاو.ضه
ويونس فرد علي الكنبه ويفكر هيصالح ياسمين إزاي ومن غير ما يحس نام وهو قاعد
تآني يوم الصبح كانت ياسمين وصلت الشرقيه نزلت من العربيه وهي خايفه وقلبها بيدق بخوف سامي مسك أيدها علشان بشجعها
ياسمين شافت ستات وبنات ورجاله وقفين
واحده من البنات قربت اسمها عزيزه تبقي اخت سامي
عزيزه بابتسامه وهي بتحضن ياسمين : اهلا اهلا نورتي يا ياسمين انا عزيزه ابقي أخت البغل إللي واقف جمبك ده وشاورت علي سامي سامي بص ليها بغضب وتوعد
ياسمين حضنها علشان حست انها طيبه
قرب عليها بقي ست وبناتها
الست عمتها كريمه ست حقوده آوى ومكنتش بتحب أم ياسمين خالص بسبب أنها كانت أجمل منها
كريمه بحقد : أهلا يا بنت أخويا نورتي البيت انا عمتك كريمه اختك ابوكي
ياسمين بصتلها : منور بيكي يا عمتي
وبعدين قرب عليها بنات كريمه : صفاء وفاطمه
صفاء بغيره من جمالها : ازيك يا سمين نورتي
ياسمين بصت ليها بتحدي : بنورك يا حبيبتي
فاطمه الوحيدة إللي طيبه فيهم : حبيبتي يا ياسمين إزيك إنا فاطمه نورتي بيتك
ياسمين ابتسمت ليها علشان شافتها غيرهم خالص وخدتها بالحضن كمان : حبيبه قلبي تسلملي يا روحى
وبعدين بقيت العيله سلمت عليها
ودخلو قاعدو
وكريمة وصفاء قاعدين بصاين لياسمين بحقد وغضب وياسمين بصه ليهم بتحدي
ياسمين في سرها : شكلها هتبقي أيام عسل
يتبع….




