
ياسمين بهمس : شكلنا هنشوف أيام عسل
صابر راح لياسمين : ياسمين حبيبتي تعالي يلا علشان تشوفي جدك
ياسمين بصتله وهزت دماغها بهدوء وطلعت معاه علي او.ضه جدها طلعو وعمها صابر خبطت علي باب او.ضه أبوه ودخل
صابر بأبتسامه : صباح الخير يا حاج شوف جبتلك مين
ياسمين دخلت وهي حاطه عينها في الارض
الجد بسعاده ودموع وبيتكلم بتعب : ياسمين
ياسمين بأستغراب : إنت عارف اسمي
صابر بأبتسامه : أكيد طبعا عارف إسمك ماحنا جينا كل حاجه عنك قبل ما نيجي ليكي
ياسمين هزت راسها ليه وبصتلو وبعدين بصت لجدها
الجد وهو بيحاول يمد أيده لياسمين : تعالي تعالي يا بنت الغالي
ياسمين بصت لعمها وعمها هز ليها راسو بأبتسامه خدت نفسها وراحت عند جدها
ياسمين مسكت أيد جدها بتوتر وقاعدت جمبو
الجد بدموع : تعالي في حضني يا بنتي
ياسمين نزلت لحضنه غصب عنها
الجد حاضنها وهو بيعيط :يااااااه يا حبيبتي نفس دفا حضن ابوكي
ياسمين دمعت لما جاب سيره أبوها
الجد بدموع: حقكو عليا أنا غلطت آوي في حق ابوكي وامك لو مكنتش طردتهم كان زماني شبعت منهم
ياسمين خرجت من حضنه : علي فكره إنا كنت حالفه ولا اجي عند حد فيكو ولا اعرفكو أصلا بس أمي وابويا زرعو فيا الحنيه حتي لو مين قسي عليا بس اللي حلصهم خلاني بصراحه مش عايزه اشوفكو خالص ولما أمي وابويا ماتو قررت إني أعيش لوحدي ومعرفش أي حد فيكو
الجد : حقكو عليا ياريت ينفع أمك وابوكي يسامحوني
ياسمين : امي وابويا دول كانو أطيب خلق الله هما مسامحينك ده إللي قالوه ليا قبل ما يمو.تو وكأنهم حاسين مكنوش زعلنين منك قد ماكانو موجوعين إنك أنت اللي زعلان منهم طب تصدق إنهم كل يوم كنت بسمعهم بيتكلمو إنهم مش عايزين ربنا
يفتكرهم وإنت زعلان منهم كأنو بيحبوك حتي لو إنت إللي مش مسامحهم
الجد بدموع : يا حبايبي ربنا يرحمهم بصي يا بنتي أنا عايزك تسامحيني وأنا هعوضك عن كل حاجه زمان
ياسمين بدموع : إنا مش عايزه حاجه قد مانا كنت عايزه إنك تبقي معانا من زمان أبويا اتعذب اوي لما انت طردتو من البيت واترمرمط في كذا شغل وأجر الشقه دي ملك اتولدت فيها وتربيت فيها بقي كل ذكرياتنا فيها اذا كانت وحشه أو حلوه اتعذبوا آوي
الجد : أنا يمكن مش لحقتهم بس هعوضك آنتي عن كل حاجه حصلت زمان وهجبلك طول إللي آنتي عايزاه آنتي في ملك ابوكي وجدك يعني تعملي فيه أللى إنت عايزاه
ياسمين بأبتسامه : أنا دلوقتي مش عايزه حاجه غير إني أبقى وسطكو
الجد ابتسم : تعالي في حضني طيب علشان مش عارف احضنك أنا
ياسمين ابتسمت ودخلت في حضنه وبعدين قالت : طيب يا جدو ممكن بقى أروح أنام علشان إنا مش قادره خالص
جدو بأبتسامه : احلي جدو سمعتها والله خلاص يا صابر خدها اوضتها تنام فيها
صابر بأبتسامه : حاضر يا حاج تعالي يا ياسمينا
ياسمين قامت بأبتسامه : طيب بعد اذنك يا جدو
الجد بأبتسامه : اتفضلي يا حبيبتي
خرجت ياسمين من او.ضه جدها هي وعمها
صابر طلب من عزيزه إنها توري ياسمين اوضتها عزيزه وصلت يا سمين الاو.ضه ونزلت
ياسمين دخلت .كانت كبيره وفيها حمام مخصوص عجبت ياسمين ياسمين طلعت لبس ليها علشان تدخل تاخد دش وتنام شويه من تعب السفر
دخلت خدت دش وخرجت وهي بتنشف شعرها كانت لبسه بيجامه برمودا سودا جايه لسه هتنام علي السر.ير الباب خبط عليها قامت قالت : مين
صفاء بغل : أنا يا حبيبتي
ياسمين نفخت وراحت فتحت الباب
ياسمين ببرود : خير
صفاء : ماهو اسمعي بقي مش علشان جيتي جديده هنا يبقي تقعدي هانم لا يا ماما إنت هتشتغلي معانا في شغل البيت مش تقعدي هانم حاطة رجل علي رجل وإحنا نخدم ساعدتك
ياسمين بصتلها وقالت ببرود : خلصتي
صفاء بصت ليها بحقد ياسمين بصت ليها : لو خلصتي اتفضلي انزلي تحت علشان تعبانه من السفر وعايزه انام واه بقولك انا محدش يحكمني أعمل إيه ولا معملش ايه فاهمه انا اعمل كل حاجه بمزاجي وبعدين حتي لو عملت ده بس ذوق منى مش اكتر وبعدين انا مش هطلب حاجه من حد فيكو أنا لما هعوز حاجه ليا هعملها لنفسي إنا مش كتعه فاهمه يا عسل وبلاش تيجي علي سكتي علشان أنا فرصتي بالدم ويلا بره بقي مش ناقصه صداع
صفاء مشيت من قدامها بعصبيه : ماشي ماشي ونزلت
ياسمين قفلت الباب وهي بتنفخ وقالت : اوف لازم أخد حظري من البت دي هي وامها دول مش طايقني من ساعه ماجيت بس انا مش هديهم فرصه يعملو فيا حاجه وبعدين فردت علي السر.ير بتعب وراحت في النوم في ثانيه
عند يونس
كان بيكلم جاسر
يونس : طيب انا كده عايز اروح بكره هتيجي معانا ولا إيه
جاسر بفرحه : أكيد طبعا مدام ياسمين راحت مع بابا انا كده اطمنت هعدي عليكو بكره بدري ايمن جاي معانا
يونس : أكيد طبعا ماهو زي ماهيساعدني إنت كمان هساعدو
جاسر ضحك : طيب يلا اسيبك إنا علشان عندى شغل
يونس : ماشي يا جوكر
جاسر بضحك : إنت لسه مسكها مخلاص خلصنا من اللعبه دي
يونس ضحك : بصرآحه اتعودت
جاسر ضحك وبعد كدة قفلو
صفاء بغضب : إلبت دي مش سهله ياما وأنا عايزه امشيها من هنا
فاطمه بغضب : هي البت عملت ليكو حاجه ماهي لسه جايه النهارده انتو اللي مش طايقنها هي عملت ليكو إيه
صفاء بصتلها بعصبيه : بقولك اية يا بت انتي خليكي في حالك
فاطمه قامت وقالت : ماشي يا صفاء بس خلي بالكو لو حد جه جمب ياسمين أنا أللى هقفلو فاهمين وخرجت من الاو.ضه
صفاء بغضب : أنا مش عارفه البت دي معانا ولا معاها
كريمه : سيبك منها المهم تعالي اقولك هنعمل معاها إيه
يتبع….
تآني يوم يونس جهز الشنط بتاعته هو وايمن ونزلو تحت العماره استنو جاسر
يونس اتصل بيه وقال بضيق : متخلص ياعم انت أي ماشي علي قشر بيض
جاسر بضحك : الله كنت بفول العربيه علشان متعطلش منا في السكه
يونس : ماشي يا أخويا إنت فين دلوقتي
جاسر : أنا داخل عليك أهو
يونس شافه : آه خلاص شوفتك سلام
جاسر نزل من العربيه وهو لابس النضاره الشمس بتاعته وقال بهزار : جاهزون يا أبطال
ايمن بضحك : هاي هاي كابتن
يونس بصلهم : وحياه أمك إنت وهو بذمتكو ده منظر ناس شغاله في المخابرات
ايمن بصله : أنا قولتها قبل كده مش شرط علشان تبقي ظابط مخابرات تبقي قفيل يا قفل إنت
يونس بغضب : طب أظبط بدل ما اظبطك
جاسر بعصبيه مصطنعه: ولد انت وهو ايه انت هتتخنقو قدامي مفيش احترام ليا إيه قله الادب دي
يونس بصله وقاله : اسكت يلا ويلا علي العربيه
جاسر شال الشنطه وحاطها في العربيه : تحت أمرك يا كبير
ايمن ضحك : هههه اهم حاجه الثبات على المبدا
جاسر ضحك : اومال ده يونس يعني مش أي كلام بعد كده حطو الشنط في العربيه وركبو
ايمن وهو بيطلع من الشباك وقال بتمثيل : الوداع يا صبا الوداع يا حبي هجيلك تأنى يا حرقه قلبي عليكي يا حبيبتي هتوحشيني طمني عليك وأقول فين القيك مشتاق لعيناك
يونس شد جوه بعصبيه : متبطل عبط بقس هو إنت هتهاجر ده إيه النيله السودا دي
جاسر ضحك : سيبو يا يونس الواد يا عيني مجروح وهيبعد عن حبيبته اوعدك يا ايموني اخلص موضوع يونس وياسمين وهجمعك بحبيبتك يا غالي
ايمن بفرحه : بجد يا جاسر لولولولى يارب يا ياسمين قلبك يحن علي يونس قول امين يا يونس
يونس : لا ده إنت أهبل بجد بقى اعقل يا حبيبي اعقل
ايمن بضيق : يا أخويا منا علي طول عاقل خدت إيه إنا بالعقل
يونس بصدمه : لا مش ممكن ايمن عاقل لالالالا
ايمن : إيه الصدمة في كده ماهي دي الحقيقه
يونس لف ليه : طب بزمة أهلك يا شيخ إنت راضي علي إللي إنت قولتو ده
ايمن قلب عينه شمال ويمين : بصرآحه ولا بربع جنيه علشان أنا أساسا كداب مين قال إن أنا عاقل دانا أهبل عن مما يكون والله
جاسر بضحك : احلي حاجه عجباني فيك انك واثق في نفسك وإنت بتقولها
ايمن بغرور : اومال يابني اكدب يعني منا حقيقي كده
يونس وجاسر ضحكو عليه وبعد كده جاسر دور العربيه وطلع بيها
عند ياسمين صحيت بدري و دخلت تتسحب في او.ضه صفاء بعلبه للالوان والفرشه
قربت من صفاء إللي نايمه بعمق ابتدأت ترسم علي وشها وكل رسمه بترقص فيها وبتكمل بعد مده قصيره خلصت
بصتلها بضحكه مكتومه وبعدين طلعت صاروخ من جيبها ولعتو وجريت علي بيه علي طول وهي بتضحك بصوت واطي ودخلت اوضتها عملت نفسها نايمه
شويه وسمعت الصاروخ ضر.ب وصفاء بتصرخ وبتجرى عليهم تحت
صفاء بصريخ : اااااه ماما ماما في حاجه فرقعت في أوضتي يا ماما
كلهم طبعا مصدومين من شكل صفاء
فاطمه بصدمه : إيه يا صفاء إللي في وشك ده
صفاء بأستغراب وهي بتحط أيدها علي وشها : وشي ماله وشي وبعدين راحت تشوف نفسها في المرايه صرخت لما شافت وشها كله الوان ورسوم : ااااااااااااااه يا ماااااامااااااا إللي عمل فيا كده
سامي ضحك بصوت واطي علشان عارف إن ياسمين أللى عملت كده : آنتي مش كبيره علي الحاجات دي يا صفاء يعني علشان تجربي حاجه تلعبي في وشك كده لسه طفله
صفاء بعصبيه :طفله إيه أكيد مش أنا إللي عملت في نفسي كده ليه مجنونه ده أكيد الزفتة إللي جت دي
صابر بغضب : احترمي نفسك يا صفاء وبعدين ياسمين أصلا لسة نايمة أنا كنت لسة عندها دلوقتي
صفاء : اومال مين إللي عمل في وشي كده ها
فاطمه : معلش يا صفاء يا ختي ممكن تكون العيال ولا حاجه
صفاء بغضب : عيال إيه وقرف إيه محدش يقدر يهوب ناحيه اوضتي أصلا أكيد هي مفيش غيرها والله
ياسمين نزلت من علي السلم وهي عامله نفسها لسه صاحيه وبتمثل النعاس والتوبه: ااااه ايه با جماعه في إيه إللي حصل
صفاء لفت ليها بعصبيه : آه اصطعبتي يا ختي اصطعبتي يعني مش عارفه في إيه
ياسمين مثلت الخضه : سلام قولا من رب الرحيم إيه منظرك ده يا صفاء مين عمل فيكي كده
صفاء بغضب : انتي بتستهبلي اكيد آنتي إللي عملتي فيا كده مفيش غيرك اللي يعمل كده يا متخلفه
ياسمين بتمثيل الزعل : إنا إللي يسامحك انا كنت نايمه لو وجودي مدايقك أنا هطلع الم حاجتي وارجع شقه ابويا وامي بعد اذنك وجت تمشي وقفها صوت خالها سالم بغضب : إستني يا ياسمين آنتى مش هتمشي من هنا آنتي قاعده في مالك ابوكي وبعدين بص لصفاء بغضب : وانتي احترمي نفسك واعتذري ليها دلوقتي يلاااا
صفاء باعتراض : ايوه بس قاطعها سالم : سمعتي قولت ايه
صفاء بصت لياسمين بغضب وقالت من تحت ضرسها : أسفه
ياسمين بأبتسامه نصر : ولا يهمك حصل خير طب يا جماعه إنت هطلع أخد دش وانزل بعد اذنك وبعدين سابتهم وطلعت اوضتها دخلت وطلعت علي السر.ير تطنطت من الفرحه علشان إللي عملتو في صفاء وتضحك وبعدين هديت شويه وقالت : كده أول حاجه خلصت ناقص تآني حاجه بس لما أخد شاور الأول ودخلت خدت شاور ولبست وبعد كده نزلت تحت ملقتش حد دخلت المطبخ
ياسمين بأبتسامه : صباح الخير يا طنط ابتهال
ابتهال الخدامه : صباح الجمال يا ياسمين هانم
ياسمين باعتراض : يطنط ابتهال بلاش هانم دي انت قد مامتي بلاش هانم دي ممكن
ابتهال : يا بنتي العين متعلاش عن الحاجب
ياسمين : ياستي خليها تعلى عليا انا قولي ياسمين بس
ابتهال ابتسمت : والله مفيش غيرك انتي وست فاطمه وست عزيزه إللي وشكو سمح كده وبتضحكوا دايما ومش بتشوفو نفسكو علينا مش زي ست كريمه وست صفاء كأننا عبيد عندهم
ياسمين بضيق : معلش يا قلبي متزعليش محدش يقدر يعملكو حاجه من النهارده لو حد عمل حاجة أنا هقفلو المهم بتعملي اية دلوقتي
ابتهال : بعمل نسكافيه للست صفاء
ياسمين : امممممم طب ممكن يا طنط تشوفي جدو كان طالب منك اية وبعدين ابقي تعالي كملي النسكافيه
ابتهال : ماشي يا حبيبتي وراحة خرجت
ياسمين بصت كويس ليكون حد شايفها ولا لا وبعدين طلعت علبه زي بودره كده وحطتها في النسكافيه بتاع صفاء وبعدين شالت العلبه تآني بسرعه وعملت نفسها كأنها بتشرب ميه دخلت ابتهال عليها
ياسمين : طب يا طنط هتعوزي مني حاجه
ابتهال بأبتسامه : لا حبيبتي هعوزك بخير
ياسمين ابتسمت وخرجت من المطبخ
وطلعت قاعدت علي الكنبه ومسكت طبق الشيبسي وقعدت تاكل قدام التليفزيون
ابتهال طلعت لصفاء النسكافيه
بعد شويه سمعو صوت صفاء بتصرخ
صفاء بصريخ : ااااااااااااااااااه بطنااااااااااااي يااااااااااااا ماااااامااااااا
ياسمين ضحكت : أحسن محدش بيكلها بالساهل هههههه تعيشي وتاخدي غيرها وبعدين فضلت ترقص وهي قاعده علي الكتبة وتقول بفرحه : ولسه ولسه لسة آنتو لسه شوفتو حاجه بعون الله هخليكي آنتي وامك تلفو كده حوالين نفسكو بس الصبر إما وريتكو بعد كده سمعت صوت من وراها بيقول بهزار : حبيبه قلب بابا ياناس يا أختي
ياسمين لفت وراها وبصت بصدمه
ياسمين : إنت ????
يتبع….
صوت من ورا ياسمين : حبيبه قلب بابا ياناس ياختي
ياسمين لفت وراها اتصدمت : إنت
ايمن : أكيد هو هو في غيره
اااااااااااااااااااااااااااه
ايمن بخضه : إيه الصوت ده هو في حد بيولد عندكو ولا إيه
ياسمين : لا ده بس صوت صفاء بتاخد حق أعمالها مش اكتر
جاسر بضحك : أوبا إنت وصلتي لصفاء لا جدعه
ياسمين بصت ليونس : إنت إللي جابك هنا
يونس قرب عندها بأبتسامه : جاي انول الرضا من القمر
ياسمين كانت هتبتسم بس مسكت نفسها : هو أنا مش قولتلك مش عايزه أشوف وشك تآني
يونس بحب : مقدرش اخلي القمر ده يبقي زعلان مني قلبي الصغير لا يتحمل
ياسمين كانت لسه هتتكلم سمعت صوت عياط
ااااااااااااااااااااااااه
ياسمين في سرها : يا بنت الجزمه يا فصيله الواد بيحاول يصالحني يخربيتك بس أما بس تفوقي من إللي آنتي إما وريتك يا مصفه
ايمن : لا مش معقول هي مالها بجد يا ياسمين
ياسمين بضيق: متسكت يا ايمن الله ما قولنا إنها بتاخد حق أعمالها
جاسر قرب من ياسمين ووشوشها : انتي عملتي ايه في صفاء
ياسمين بصتله هي زعلانه منه علشان كدب عليها مش بتكرهه بس جوبته بهمس: حطيت ليها ملين بودره في النسكافيه بتاعها
جاسر بصدمه : يا بنت اللذينه ليه كده
ياسمين حكت ليه
جاسر ضحك : احسن تستاهل أصلي بصرآحه مش طايقها مش هي بنت عمتي بس أنا مش طايقها
ياسمين ضحكت : اوعدك اني هطلع عينها هي وامها
جاسر بضحك : واثق فيكي وبعدين قال : طب انتي لسه مدايقه مني
ياسمين بصتله وخدت نفس : أنا مدايقه منكو كلكو علشان إنا مش لعبه في أيد حد فيكو تعملو معايا كده
جاسر بسرعه : والله يا ياسمين كل ده علشان تقبض على ناصر وإللي معاه ومكناش عايزين نعرضك للخطر سامحينا ده ربنا بيسامح العباد مش هتسامح
ياسمين بصتله وبعدين قالت بأبتسامة : ماشي بس ده ميمنعش اني أعذب يونس شويه
جاسر بفرحه وحضنها وهي اتخضت : حبيبتي حبيبتي حبيبتي
ياسمين اتصدمت
يونس بغضب وغيره : إيه يابا متهدا علي نفسك إيه ده
جاسر غمز لياسمين وياسمين ابتسمت
جاسر بخبث: إنت مالك بنت عمي وانا حر ايش دخلك انت
يونس كان لسه هيتكلم قاطعه صابر عم ياسمين وابو جاسر
صابر بفرحه : جاسر حبيبي انت هنا
جاسر ابتسم وراح حضن ابوه وباس أيده :
حبيبي يا حاج وحشتني
صابر ابتسم وطبطب علي ضهره :حبيب أبوك آنت وحشتني آكتر
اااااااااااااااااااه
صابر بخضه : إيه ده في إيه
جاسر بضحكه مكتومه : دي صفاء يا بابا كده من الصبح شكلها تقلت في الأكل ولا حاجه
صابر بهدوء : أنا مش عارف اعمل ايه مع البت دي هي وامها ربنا يهديهم
ياسمين بهمس : ربنا ياخدهم
صابر بأستغراب : مين إللي معاك دول يا جاسر
جاسر بأبتسامه : صحابي يا بابا ده ايمن وده يونس
وبعدين قرب منه بهمس : يونس ده بيحب ياسمين وعايز يتجوزها بس هما بينهم سوء تفاهم كده هقوله ليك لما نبقي لوحدينا إيه رأيك
صابر بصلة بفرحه : بجد والله يا بني الف بركه هو باين عليه ابن حلال وطيب بيشتغل إيه
جاسر : ظابط مخابرات بردو هو وايمن
صابر بفرحه لبنت اخوه : بسم الله مشالله طيب انا معاك اهم حاجه ياسمين تبقي سعيده ويحافظ عليها
جاسر بأبتسامه : متخفش يا حاج هو بيحبها بجد ومستحيل يأذيها وهيسعدها إنا متأكد
صابر : طيب علي خيره الله يلا طلعهم يرتاحوا
جاسر : حاضر يا حاج يلا يا شباب اطلعكو فوق في الاوض بتاعتكو
ايمن بعبط : إيه ده هو إحنا لينا اوض هنا
جاسر بصله : غبائك ده هوديك في داهيه في أوش ضيوف فوق هطلعكو تقعدو فيها
ايمن : آه اذا كان كده ماشي وبعدين يونس وايمن راحو مع جاسر وطبعا يونس مش طايق جاسر من ساعه ما حضن ياسمين وهيفرقع
ياسمين بصتله وهو طالع وبعدين بصت لعمها إللي باصص ليها بخبث إستغربت : إيه يا عمي مالك بتبصلي كده ليه
صابر قرب منها :إيه رأيك في يونس
ياسمين ارتبكت : ها
صابر بأبتسامه : هو اللي ها بقولك ايه رايك في يونس
ياسمين بتوتر : من ناحيه إيه يعني
صابر : إنت هتسعبطي يعني عايزه تفهميني إنك مش بتحبيه
ياسمين بصتله وسكتت
صابر : علي العموم هنشوف االايام مخبيه إيه
وسابها ومشي
ياسمين بصت عليه وهو بيمشي : الله يخربيتك يا يونس أنا مش عارفه إللي جابك
ااااااااااااااااااااه
ياسمين بعصبيه : مخلاص بقي يخربيت أمك مكنش حبه ملين يعني إيه القرف ده
يتبع….
جاسر طلع ايمن ويونس الاوض بتاعتهم كل واحد او.ضه حطو هدومهم في الدواليب وبعدين كل واحد فيهم دخل علشان ياخد شاور خلصو ولبسو لبس بيتي مريح ونزلو تحت
لاقو كلهم متجمعين علي السفره
يونس بأبتسامه : السلام عليكم
كلهم : وعليكم السلام
جاسر بأبتسامه : دول يا جماعه صحابي ظباط معايا في المخابرات
كلهم : اهلا بيكو
يونس وايمن هز رأسهم بأبتسامه
صابر ابتسم : تعالو يا ولاد يلا علشان تاكلو حماتكو بتحبكو
يونس كان لسه هيعترض ايمن راح قعد علي طول علشان كان جعان
ايمن بسرعه : معلش بقى يا جماعه البيت بيتي طبعا
جاسر بضحك : خد راحتك وبعدين بص ليونس : يلا أقعد يا يونس واقف ليه
يونس قعد وهو بيبص لايمن بعصبيه ايمن بيأكل ولا كانو هنا
صفاء قاعده علي السفره مشلتش عينها من علي يونس وياسمين وصابر وجاسر واخدين بالهم
ياسمين داست علي سنانها وعملت كان الشوكه وقعت ونزله تجيبها دلقت طبق الشوربة السخن علي رجل صفاء
صفاء بصريخ ووجع : اااااااااااااااااااه انت حماره مش تحاسبي
ياسمين بحزن مصطنع : أنا حماره الله يسامحك بس انا مكنتش اقصد ده غصب عني
جاسر وصابر ضحكو بصوت مكتوم
وبعدين صابر قال بغضب مصطنع: احترمي نفسك يا صفاء ماهي قالت مش قصدها
كريمه بغضب : إنت بتزعق لبنتي ليه ها أكيد الزفته قصده إنها تعمل كده علشان بتغير من بنتي ده تلاقيها كمان هي السبب في كل إللي حصل لبنتي
صابر بغضب : لا بقي دانتي وبنتك ذودتوها آوي هي البنت علشان غلبانه تعملو فيها كده فاكرين إنها ملهاش ظهر لا آنتي وهي فوقو إحنا كلنا معاها خفي علي البت يا كريمه آنتي وبنتك
كريمه بتوعد : ماشي ماشي يا أخويا وبعدين بصت لياسمين بحقد بمعني هوريكي ياسمين بصتلها بتحدي زي ماتكون بتقولها انا جاهزه لأي حاجه
سالم : خدي بنتك يا كريمه وخليها تطلع تغير وتشوفي حاجه للحرق
كريمة بصتله بغيظ وخدت صفاء وطلعت
بعدين كلهم قاعدة تآني
يونس وشوش جاسر : هي ياسمين عمان كده قصد ليه
جاسر بصله بخبث : يمكن علشان غارت عليك مثلا
يونس بصدمه : تفتكر
جاسر بثقه : طبعا
يونس فرح جدا وبص علي ياسمين لاقتها بتبص ليه بعصبيه كده أتأكد إنها فعلا غارت عليه كملو أكل وكلهم خلصو معادا ايمن
ايمن بيأكل ولا كانو هنا كانو مكلش بقالو كتير
يونس بيبص في الساعه : مش كفايه كده يا اخ دانت كلت اكل يكفيك اسبوع كفايه يا بابا المعده هتشتمك
ايمن بتذمر وهو بقو مليان أكل : الله إنت مالك إنت هي اشتكتلك متسبني أكل طب والله الواحد هفتان
جاسر ضحك : سيبو يا يونس حرام ده مكنش بيأكل خالص يعيني
ايمن : قوله ونبي يا أخويا طب دانا حتي خسيت
يونس وهو قرب يتشل : إنت كده خاسس أنا مش عارف أعمل فيك إيه
ايمن : أعمل مندبه
كلهم ضحكو وبعد شويه ايمن أخيرا خلص وقامو قاعدو مع بعض شويه بعد كده كل واحد قام طلع اوضته
تآني يوم الصبح يونس نازل من علي السلم قبلتو صفاء
صفاء بإعجاب وبدلع: هاي ازيك يا يونس
يونس بصلها من فوق لتحت وقالها : أهلا
صفاء وهي بتبص لجسمه الرياضي وشكله الوسيم: إنت شكلك وسيم آوي يا يونس
يونس بصلها باستحقار: شكرا ممكن امشي بقي
صفاء : أكيد أتفضل
يونس بصلها بقرف ونزل
صفاء بهمس : هخليك تحبني و تتجوزني كمان دانا صفاء
ياسمين كانت بتسقي الورد بره جه من وراها عمها صابر : الورد الجوري ده بتاع أمك الله يرحمها هي إللي زرعاه من صغرها وكمان من قبل ما تمشي وهي موصياني كل يوم اخلي حد من البنات يسقيه
ياسمين دمعت وقالت : الله يرحمها
صابر لفها ومسح دموعها : تاني عياط مش قولتك مش عايز أشوف دموعك خالص
ياسمين ابتسمت وبعدين هزت راسها جه عليهم يونس
يونس بأبتسامه : صباح الخير
ياسمين وصابر: صباح النور
صابر : طيب يا حبيبتي انا همشي علشان عندي شغل
ياسمين ابتسمت : ماشي يا حبيبي أتفضل
صابر مشي
يونس جه قدام ياسمين وقال بغزل: هو القمر بيطلع بالنهار ولا إيه
ياسمين بصتله : قديم آوي الجو ده علي فكره
يونس : طب ايه الجديد
ياسمين بهدوء: إنت عايز إيه يا يونس
يونس : عايزك تسامحيني يا ياسمين أنا بجد بمو.ت كل شوية كل مفتكر إنك زعلآنه مني علشان حاجه أنا مليش دخل بيها وانتي عارفه من الاول كده مصعبها عليا ليه يا ياسمين
ياسمين بصتله : سبها بظروفها يا يونس وممكن مش بعيد اسامحك بس أنا عايزه شويه وقت
يونس بلهفه: خدي الوقت اللي انتي عايزاه بس مطوليش ها علشان أنا خلقي ضيق
ياسمين ابتسمت
يونس بسرعه وفرحه : ضحكتي والله ضحكتي يا فرج الله أخيرا شوفت ضحكتك تآني يااااه علي السعاده اللي انا فيها انا هخرج اروح مشاور وارجعلك ولما ارجع هنقعد أنا وانتي مليش فيه ماشي يلا سلام يا موزتي وخرج بره البيت
ياسمين بصدمه : ده عبيط رسمي إيه الهبل ده وبعدين ثابت بأبتسامه حب : بس بحبه
وبعدين كملت سقي الورد بعد شويه خلصت وبعدين دخلت البيت وجايه تطلع السلم صفاء كانت وقفه عليه من فوق
ياسمين بصتلها بضيق وجايه تطلع
صفاء : انتي قليله الذوق كده دايما مفيش صباح الخير عامله ايه أي حاجه
ياسمين غمضت عينها وفتحتها وبعدين قالت ليها بهدوء: ماهو لما يبقي الشخص محترم اشيلو فوق دماغي إما بقى لو الشخص زباله باذبل جذمه وانزلها فوق دماغه
صفاء بغضب : انتي بت قليله الادب ومش محترمه أنا معرفش خالي جابك إزاي وآحده شوارعيه زباله
ياسمين بغضب : لا بقولك ايه احترمي نفسك لاما هعرفك مقامك
صفاء بغل : مش هتلحقي وراحت فجاه زقت ياسمين من علي السلم
ياسمين وقعت علي السلم لحد أخره واغمى عليها ودماغها اتفتحت
وصفاء بصلها بغل وانتصار سمعت صوت من وراها
: يااااااااااااااااااااااسمين
يتبع….
صفاء بغل : مش هتلحقي وزقت ياسمين من علي السلم
ياسمين وقعت من علي السلم لحد أخره وأغمي عليها ودماغها اتفتحت
صوت من ورا صفاء
ياااااااااااااااسمين
صفاء اتخضت وبصت وراها شافتو جاسر وايمن جاسر نزل تحت بسرعه لياسمين وايمن مسك صفاء من شعرها قبل ما تجري وبقي بيجرها وراه
صفاء بصريخ : سيبنننننني يا حيووووان اوعي
لاكن ايمن مش راضي يسيبها وعمال يجرها وراه بغضب لأن ايمن لما بيتعصب بيبقي زي الغول هما شافو هزارو وضحكو بس غضبو لا داخلها او.ضه من الاوض رمها في الارض بغضب
ايمن بغضب: وحياه أمي نطمن علي ياسمين الأول وهتشوفي إللي عمرك ما شوفتيه علشان آنتي زودتيها آوي وإنا هوريكي وخرج وقفل عليها وهي عماله تخبط علي الباب بغضب
وهو نازل قبلته كريمه بغضب : إنت بتعمل إيه يا جدع إنت هات المفتاح اطلع بنتي انت عبيط ولا إيه
ايمن بغضب وصوت عالي : كلمه كمان وهدخلك معاها فاااااااهمه وعلي فكره أنا هحبسلك بنتك بتهمه الشروع في قـ،ـتل فاهمه يا حاجه أنا مش عايز اعملك حاجه علشان انتي قد امي لكن انا ظابط يعني ممكن احبس أي حد حتي لو كان أبويا وسابها ونزل بسرعه علشان يشوف ياسمين
كريمه بغل : ماشي إللهي تم.وتي ياسمين الزفت واخلص منك
عند ياسمين تحت العيله كلها اتجمعت تحت عليها وجاسر شالها بسرعه وركبها العربيه هو وايمن وطلعو بيها علي المستشفى
عند يونس كان قاعد مع اللوا قلبه اتقبض مره وآحده
يونس بقلق: ياسمين
اللوا فكري بأستغراب : مالك يا يونس ومالها ياسمين
يونس بخوف : مش عارف مش عارف شويه وتليفونه رن وكان ايمن قلق ورد
يونس بقلق : إيه يا ايمن في حاجه
ايمن بتوتر : ياسمين
يونس بخضه ولهفه وهو بيقوم من علي الكرسي : مالها ياسمين حصلها حاجه
ايمن بتوتر : ياسمين صفاء دي زقتها من علي السلم وهي دلوقتي في المستشفى
يونس اتصدم وبعد كده قال بغضب : البت دي فين
ايمن : حابسها في او.ضه من اوض البيت لما نطمن علي ياسمين هعرف شغلي معاها
يونس بغموض وقلق: تمام انتو في اني مستشفي
ايمن قالو علي عنوان المستشفى
يونس قفل معاه وقال للوا علي إللي حصل ومشي بسرعه علشان يروح يشوف حبيبته
في المستشفى اللي فيها ياسمين
كان صابر وسالم وسامي وفاطمه وعزيزة وكريمه معاهم
فاطمه وعزيزة بيعطو وبيدعو إن ياسمين تبقي كويسه
صابر بغضب لكريمه : ورحمة امك يا كريمه لاوري بنتك هوريكي آنتى كمان بس لما بنت أخويا تبقي كويسه
كريمه خافت بس مش بينت: صفاء اكيد مش قصداها تعمل كده
جاسر قرب منها بغضب : مش قصدها تعمل كده اومال مين إللي من ساعه مارجل ياسمين دبت في البيت ومين اللي حطيتها في دماغه ها مش انتي وبنتك ها ورحمه امي يا عمتي لو ياسمين حصلها حاجه هنسي إنك عمتي فاهمه ومحدش ناسي إنك كنتي بتكرهي مرات عمي معاها تبقي بنت عمك بس آنتي حقوده وخليتي بنتك زيك حقوده والله لما نطمن علي ياسمين مش هتقعدي في البيت ده
كريمه بغضب : احترم نفسك يا ابن صابر خلاص القوالب قامت والانصاص نامت ولا إيه اتعدل إنت بتكلم عمتك وبعدين إنت مالك أصلا ده بيتي أقعد في زي مانا عايزه
صابر بغضب : هو ده إللي هيحصل يا كريمه وبعدين ده مش كلامنا ده كلام ابوكي علشان خلاص ابوكي قرف منك ومن تصرفاتك آنتي وبنتك هو جه قعدك معانا في البيت بس علشان جوزك لما طلقك وخد شقتك بس اهو شقتك جت وانتى مردتيش ترجعي ليها وابويا قاعدك في البيت بس لا ابوكي قال نطمن علي ياسمين وهتمشي آنتي وبنتك من بيتنا
كريمه اتصدمت من كلامو وقال بدموع : عايزين تمشوني من البيت دنا مليش غيركو أنا وبناتي تعملو معانا كده وتودنا في مكان لوحدنا من غير راجل
صابر لف وشو : انتي اللي اضطرتينا نعمل كده بسبب حقدك انتي وبنتك عملت ليكو ايه المسكينه دي ها دي يتيمه وغير
كده بنت اخوكي آنتي إزاي بالحقد ده ها والله أنا كنت خايف اجيبها بسببك آنتي وبنتك بس البت كانت عايشه لوحدها وده عز جدها وابوها واه عايز اقولكو فاطمه مش هتسيب بيت جدها وعزو علشان أي أحسن منك ومن بنتك اللي خلتيها زيك
كريمه : طب ما ده عز أبويا وفي حقي كمان
صابر : كان في حقك انتي نسيتي انك خدتيه من ساعه ماتجوزتي جوزك علي العموم الكلام هنا ماينفعش هنشوف لما ياسمين تروح بالسلامه بعد كده تليفونه رن وكان ابتهال الخدامه
صابر رد : إيه يا ابتهال
ابتهال: إيوه يا حاج صابر الحاج بيسأل اخبار ياسمين دلوقتي إيه
صابر اتنهد: لسه في اوضته العمليات لما تخرج هبقي اطمنكو
ابتهال : طيب يا حاج وراحت قفلت وقالت لجد ياسمين : لسه في او.ضه العمليات يا حاج
الحد بدموع : منك لله يا كريمه آنتي وبنتك ياسمين بس تقوم بالسلامه بس وربنا لاخدلك حقك
ابتهال بابتسامه : انشالله هتبقي زي الفل يا حاج
الجد بدعاء :يارب
بعد شويه يونس وصل المستشفى لاقي كله قاعد راح جمب جاسر وقال بقلق : ها في اخبار
جاسر بصله : لا لسه انشالله هتبقي زي الفل
يونس بهمس : يارب وبعدين بص لكريمه حته بصه زي مايكون بيتوعد ليها وكريمه خافت جدا من البصه
بعد 3 ساعات الدكتور خرج من او.ضه العمليات
يونس راح لدكتور بسرعه : طمنى يا دكتور ياسمين عامله اية
الدكتور بأبتسامه : متقلقش خالص الانسه ياسمين بقت زي الفل الجرح مكنش عميق بس نزفت كتير علقنا ليها كيس دم وبقت بخير الحمد لله شويه وهتفوق بإذن الله
كلهم فرحو
يونس بفرحه : طب وهنقدر نشوفها أمته يا دكتور
الدكتور : شويه كده بس تكون فاقت مفعول البينج راح
صابر بشكر : متشكرين جدا ليك يا دكتور
الدكتور بأبتسامه : الشكر لله بعد اذنكم
كلهم: أتفضل
فاطمه بتنطيط بطفوله وبفرحه : ياسمين بقت كويسه هيه ياسمين كويسه هييييييه
جاسر باصص ليها ومتنح علي شكلها بحب آه نسيت اقولكو جاسر بيحب فاطمه من صغرهم وشايفها غير أمها وابوها خالص كان مستني يخلص المهمة إللي كان فيها ويكلم أبوه ويقوله إنو عايز يخطبها
يونس شافه متنح كده قرب عليه بخبث وقال : أوبا مالك وقعت يا باشا ولا إيه
جاسر بسرحان : أنا واقع من زمان والله يا شبح
يونس بضحك : اطمن بس علي ياسمين وتقوم بالسلامه واوعدك هخلي خطوبتي أنا وإنت في يوم واحد
جاسر بفرحه : بجد ونبي
يونس بضحك : بجد
ايمن قرب منهم وقال بتذمر طفولي : وانا فين انا عايز اتجوز صبايا
يونس وجاسر ضحكو : وانت كمان
بعد ساعه ياسمين صحيت
ياسمين بوجع : آه يا دماغي منك لله يا مصفه الكلب دانتى مسموكيش صفاء دول يسموكي عقراء قرفاء لكن صفاء دى مش ركبه معاكي اما وريتك
صابر قرب منها وحط أيده علي راسها بحنان : حمد الله على سلامتك يا حبيبه عمك
ياسمين : شوفت يا عمو عقراء عملت فيا ايه والله لوريها اااه
صابر ضحك : قومي بس بالسلامه وعملي فيها إللي آنتي عوزاه
يونس قرب من ياسمين بحب : حمد الله على سلامتك يا حبي انشالله أنا وإنتي لا
ياسمين بصتله بكسوف ومردتش
يونس ابتسم علي كسوفها
كلهم قربو اطمنو عليها وقاعدو شويه وبعدين صابر قالهم يروحو وواحده من البنات تجيب لبس لياسمين
وفعلا راحو كلهم ومش بقي معاها غير صابر ويونس بالعافيه طبعا علشان المرافق لازم واحد بس بس يونس عنيد جدا
تآني يوم فاطمه جت وجابت لياسمين هدوم ليها
ومبقاش فيه أحداث
بعد 3 أيام
جه معاد ياسمين إنها تخرج من المستشفى علشان بقت كويسه آوي خرجت وراحت علي البيت
دخلت كله رحب بيها ولسه صفاء محبوسه في إلاو.ضه بيدخلو ليها الاكل والشرب بتاعتها بس مش بتخرج
ياسمين دخلت عند جدها وهي رابطه دماغها بالشاش
الجد بفرحه ودموع : حبيبتي حبيبتي الف حمدلله على السلامه يا قلب جدك انشالله عدوينك
ياسمين ابتسمت وحضنت جدها : الله يسلمك يا جدو شوفت بنت بنتك عملت فيا ايه
الجد بغضب : هخلى نهار إللي جابوها اسود
ياسمين بتوعد : لا معلش يا جدو ده حقي أنا وإنا إللي هاخدو
الجد : برحتك يا قلب جدك بقولك ايه يا ياسمين في موضوع عايزه أكلمك فيه
ياسمين بأستغراب : موضوع إيه يا جدو
الجد : يونس طالب ايديكي
ياسمين اتصدمت : إيه
يتبع….
الجد لياسمين : يونس طالب ايديكي
ياسمين بصدمه : اية مين فين إزاي أمته
الجد بأستغراب : مالك يا ياسمين متركزي شويه بقولك يونس طلب ايديكي عايز يتجوزك آنتى إيه رأيك
ياسمين بتوتر : ما هو ماا هو إللي تشوفه يا جدو وبعدين قامت من علي السر.ير بسرعه وخرجت بره
الجد ضحك عليها
ياسمين دخلت اوضتها وقفلت الباب وهي بتاخد نفسها وقلبها بيدق فضلت تتضحك وتطنط وفرحانه جدا إن يونس طلب أيديها لحد ما دماغها وجعتها
ياسمين بوجع وهي بتحط أيديها على دماغها : آه يا دماغي إللي يحرقك يا عقراء وبعدين قالت بحب : حبيبي يا يونس إنا كنت ناويه اعذبك بس لا بلاش العمر مفهوش كتير وبعدين انا هبله اصلا يلا يلا المسامح كريم هي هييييييييييه
بعد شويه ياسمين خرجت من الاو.ضه بعد ما غيرت
وماسكه دماغها علشان فيها صداع بسيط وراحت علي او.ضه ايمن خبطت : ادخل
ياسمين بأبتسامه : حضره الظابط فاضي
ايمن اتعدل علي السر.ير وقال بهزار : ولو مش فاضي افضالك يا باشا أنا ليا غيرك تعالي
ياسمين ضحكت وبعدين راحت قعدت في الكرسي اللي جمب السر.ير بس طبعا سايبين الباب مفتوح
ياسمين : عايزه اقولك حاجه
ايمن : جول يا برنس
ياسمين ضحكت وبعدين قالت : يونس طلب أيدي من جدو
ايمن بصدمه : يا راجل
ياسمين بأبتسامه : والله
ايمن : عملها إزاي إبن اللقيمه ده
ياسمين : معرفش هو جدو لسه قايلي
ايمن بخبث : طب وانتي ايه رايك مصممه في العذاب ولا ايه
ياسمين اتنهدت : لا خلاص أنا بحبو يا ايمن بس أنا مدايقه منو في الكدب عليا بس العمر مش في باقي لازم نعيش حياتنا مع اللي بنحبهم
ايمن ضحك : يا سيدي يا سيدي يا عيني ياعيني فين صبا تسمع الكلام ده
ياسمين : آه صح إنت ناوي تقولها أمته
ايمن : لما نرجع بعون الله
ياسمين : طب افرض جالها عرسان واتخطبو
ايمن بخضه : مين ده فال الله ولا فالك وبعدين قال بثقه: إنا أساسا مخلي واحد زي البغل كده واقف تحت العماره علشان يعرف مين طالع ومين نازل ولو لاقي أي شاب داخل العماره يسالو لو لاقه إن هو العريس يعمل معاه السليمه علي طول إنا مش أي حد برضو
ياسمين ضحكت : يا عبيط يا أهبل إنت بجد مش طبيعي
ايمن ضحك : اومال يعني اخلي البت تضيع مني
ياسمين : لا طبعا مينفعش
ايمن : أهو
ياسمين : طيب فين بقي الزفته عقراء
ايمن ضحك : عقراء مين دي
ياسمين : صفاء يا أخويا معانه الاسم مش راكب علي الشخصيه
ايمن ضحك
ياسمين : ها فينها بقي
ايمن : حابسها في او.ضه الضيوف وكل ما امها تيجي علشان تطلعها اهددها تدخلها مكانها ترجع زي إلفار المبلول اوضتها تأنى هههههه
ياسمين : هههههه لا جدع وديني عندها بقي
ايمن قام : عيني للجميل انت تؤمر يا قمر اتفضلي قدامي
ياسمين ضحكت وقامت طلعو من الاو.ضه وراحو لاو.ضه اللي فيها عقراء قصدي صفاء
ايمن فتح الباب ودخلو ياسمين صفاء كانت قاعده علي السر.ير شافتها قامت بغضب وكانت رايحه تض.ربها بس أيمن مسكها بسرعه وقال بغضب : إنتي مش بتحرمي ها أعملك إيه تآني آكتر مانا حبستك هنا
صفاء وهي بتحاول تسيب نفسها من ايمن بغضب : اوعي سيبني اضر.بها
ياسمين وهي بتشمر وبتقول : وليه يا حبيبتي أنا هعملك إللي آنتي عايزاه تعالي بقي ياسمين شدت صفاء وفضلت تتضر.ب فيها من رغم وجع دماغ ياسمين بس هي مش حاسه بيها قد ما كانت عايزه تاخد حقها منها فضلت تض.رب فيها وصفاء تصرخ من الوجع وبقت تحاول إنها تض.رب ياسمين بس هى مش مدايها فرصه وايمن واقف ومربع ايده وبيبص لصفاء بشامته كل العيله جت علي صوت صريخ صفاء دخلو اتصدمو لما شافو ياسمين فوقيها وعماله تضر.ب فيها
كريمه بصريخ وبتحاول تشيل ياسمين من علي بنتها : اوعي من علي بنتي يا حيوانه انتي
ياسمين بصتلها : اوعي يا وليه انتي بدل ما اجيبك جمبها
كريمه بعدت عنها بخوف بس كانت خايفه على بنتها
صابر بضحكه مكتومه : خلاص يا ياسمين قومي بقي
ياسمين بصت علي منظرها بانتصار : علشان خاطرك بس يا عمو وبعدين بصت لصفاء : اسمعي يا بت انتي لو لسانك طول عليا تآني هعمل فيكي اكتر من كده سامعه ولا لا هاا
صفاء هزت راسها بسرعه وخوف
ياسمين : ايوه كده بعد اذنكو بقي علشان إنت تعبت واروح انام
كلهم : اتفضلي
ياسمين دخلت اوضتها وبعد كده نامت من التعب
يتبع….




