الشبح 2
ياسمين :نروح عند باباك ومامتك
يونس اتصدم :تروحي فين معلش
ياسمين :عند باباك ومامتك يا يونس
يونس: لا يا ياسمين مش عايز أصدهم مش عايزهم يعرفو إن ابنهم الوحيد مات
ياسمين : لازم يعرفو يا يونس مش هينفع تبقي إنت مـ,ـيت وامك وابوك فاكرينك عايش حياتك ومبسوط
يونس : خايف من رد فعلهم يا ياسمين علي قد ماكانو مخصمني علي قد بس امي ممكن تروح فيها امي كانت روحها فيا قبل ما تعرف امي بشتغل في الزفت ده
ياسمين : أنا عارفه إن الصدمه هتبقي كبيره عليهم بس لازم يعرفو
يونس دمع : مش هقدر يا ياسمين
ياسمين جاية علشان تطبطب عليه أيدها عدتو
ياسمين بهزار: طيب إنا لو عايزه اواسيك اواسيك إزاي دلوقتي اتصرف انا عايزه اطبطب عليك مليش دعوه انا عديتك ياسطا ياخربيت كده
يونس مسح دمعته وضحك
ياسمين : يلا بقي قولي عنوان أهلك علشان نروح بكرة
يونس قالها العنوان
ياسمين : اشطا تصبح على خير بقي علشان أنا تعبت وعايزه أنام أقعد بالعافيه البيت بيتك طبعا صحيح يا يونس إنت مـ,ـيت من أمته
يونس من أربع شهور
ياسمين : يا عيني يعني بقالك أربع شهور ميـ,ـت ربنا يرحمك يارب معطلكش بقي يا شبح وسابته ودخلت الاوضه
يونس ضحك عليها : عبيطه وبعد كده اختفي
في صباح يوم جديد
صحيت ياسمين خدت دش ولبست علشان تروح عند أهل يونس خلصت وخرجت لقت يونس قاعد علي الكرسي مستنيها
ياسمين : ها جاهز يا شبح
يونس : جاهز ربنا يستر يلا
يونس : بقولك ايه يا ياسمين
ياسمين : هممم
يونس : طلعي تليفونك
ياسمين استغربت: تليفوني ليه
يونس : علشان لما تكلميني وإنت ماشيه في الشارع الناس متقولش عليكي مجنونه كلميني كأنك بتتكلمي في التليفون
ياسمين بضحك : لا مافيا مافيا يعني
يونس ضحك : يلا يا هبله
ياسمين: علي فكره أنا خدت عليا آوي
يونس بص عليها ببردو وقال كلمه واحده: يلا
ياسمين : وده ايه ده بقي يلا
ونزلو هما الاتنين وياسمين طلعت التليفون بتاعها وحطتو على ودنها علشان وهي بتتكلم مع يونس
ياسمين : ها بشبح نتمشي ولا نركب
يونس : لا من رائي نتمشي البيت مش بعيد
ياسمين : اشطا إحساسك إيه وإنت رايح تشوف أهلك ومش قادر تتكلم معاهم
يونس اتنهد تنهيده وجع : صعب آوي آوي يا ياسمين وكمان لما يعرفو الصدمه هتبقي كبيره عليهم أنا عارف أهلي هما طيبين بس الزعل اللي خلاهم يقسو عليا بس ياريتني سمعت كلامهم يلا الحمد لله
ياسمين دمعت بس مسحت الدمعه قبل ما يونس يشوفها
وفضلوا يتكلمو مع بعض لحد ما وصلو البيت ياسمين بصت ليونس وهو هز دماغه ليها وقال علي الدور وطلعت
وصلت قدام باب الشقه و غمضت عينها وخدت نفس وبعدين فتحتها تآني وضربت الجرس بعد شويه فتحت الباب ام يونس يونس بصلها باشتياق وعينه دمعت وياسمين بصتله صعب عليها آوي
ام يونس : خير يا بنتي انتي مين
ابو يونس جه : مين يا حاجه وبعدين بص لياسمين : انتي مين يا بنتي
ياسمين بصت ليونس لاقت يونس بيبص لابوه نفس نظرته لامه
ياسمين بثقة : أنا ياسمين يا حج وجايه من طرف يونس إبن حضرتك
أبو يونس وامه بصدمه : يونس………
ابوه بغضب : بس إحنا متبرين منه ومش عايزين نعرف عنو حاجه ياسمين بصت ليونس شافته بيغمض عينه بوجع ودمعه نزلت منه
ياسمين رجعت بصت تآني لاهلة
ياسمين : طيب ينفع اخش أتكلم مع حضرتكو شويه
ام يونس وابوه بصو لبعض وبعدين ابو يونس قال : اتفضلي
ياسمين بصت ليونس ودخلت وهو كمان دخل وراهم
ياسمين قعدت علي الكرسي ويونس وقف جمبها وعمال يبص علي الشقه بتاعتهم إللي وحشتو
أبو يونس: ها يا انسه بعتك ليه
ياسمين وهي بتبلع ريقها : الحقيقة مش هو إللي بعتني أنا إللي جيت لوحدي
ابو يونس : آه وانتي جيتي لوحدك ليه لو مكنش هو إللي بعتك
ياسمين : حضرتك يونس في مكان أحسن من هنا
أبو يونس : ما لازم يبقي في مكان أحسن من هنا ماهو وسط عالم كل حاجه عندهم مباحه
ياسمين : حضرتك يونس مـ,ـيت بقالو 4 شهور
ابوه اتصدم وأمه كمان اتصدمت
أمه بغضب : انتي بتقولي ايه لا طبعا يونس ابني مامتش يمكن بعتك تقولي كده علشان نسامحه بس لا إبني عايش آنتي كدابه
ياسمين دمعت وبصتلها : مش كدابه يا أمي يونس مات من أربع شهور
أمه صوتت وفضلت تعيط وتقول : يا يونسسسسسسس يا بني يا حبيبي خدوك مني يا حبيبي يا حته من قلبي
يونس بص بعياط علي منظر أمه وبص لياسمين ياسمين قامت راحت حضنت ام يونس بعياط : أهدي يا امي هو في مكان أحسن من هنا هو بس اخر حاجه كان عايزها أنكو تسامحوا ياريت تسامحوا علشان يبقي مرتاح في تربته
أم يونس بعياط: مسمحاه مسمحاه من كل قلبي مسمحاك من قلبي يا يونس ربنا يرحمك يا قلب أمك
وبعد كده ياسمين بصت لابو يونس
ابو يونس : هو يونس مات إزاي وإللي حصل
ياسمين بصت ليونس اللي بصلها وهز دماغه
ياسمين حكلتو علي إللي قالو ليها يونس
ابو يونس عينه دمعت علي إللي حصل لابنه الوحيد وياما قاله يبعد عن الشغل ده بس يونس مكنش بيسمع منو
ابو يونس قال : هو ادفن فين ومين إللي دفنو
ياسمين : يونس طلب انو يدفن وبعدين قالت بضيق متعرفش سببو ايه : يدفن جمب حبيبته علشان هو كان بيحبها آوي
يونس بصلها بأستغراب لما لاقها بتقول كده بضيق
ياسمين : المهم دلوقتي يا حاج يونس جالي في الحلم وقالي خلي امي وابويا يسمحوني علشان أنا مش مرتاح
ام يونس بعياط: سمحو ونبي يا أخويا مش هيبقي دنيا وآخره اتاري يا حبيبي لما جه هنا آخر مره كان قلبو حاسس يا حبيبي يابني اتاخدت علي خوانه يا ضنايا
يونس بص لأمه وعيط علي عياطها
ابو يونس : إنا مسمحو من زمان والله أنا كنت بعمل كده علشان يبعد عن الشغل ده
ياسمين : والله يا عمو هو كان ناوي يسبهم بس إللي معروف عندهم إللي بيخرج من دايرتهم بيصفوا ويونس اتاخد علي خوانه قتاله علشان قـ,ـتل الريس بتاعهم علشان ينتقم لجميله خطيبتو
ام يونس بانهيار : يا حبيبي يا يونس يا حبيبي يابني مسمحاك من كل قلبي يا حبيبي ربنا يرحمك يا رب
ابو يونس : معلش يا بنتي قولي مكان المدافن إللي ادفن فيها يونس
ياسمين بصت ليونس ويونس وطي علي ودان ياسمين واتكلم وهي بقت تقولها إللي هو بيقولو
ياسمين : ممكن تقولو إحنا مسمحيناك يا يونس كأنو موجود قدامكو علشان يحس بيها
أم يونس : مسمحاك يا حبيبي
أبو يونس : مسامحك يا بني
يونس ابتسم وخد نفس وفرح وغمض عينه ودمعه نزلت منه
ياسمين دمعت بفرحه علشان ابو يونس وأمه سمحو وقاعدو مع بعض شويه بعد كده ياسمين استأذنت تمشي واتفقت معاهم إنها هتيجي تشوفهم كل أسبوع وهما رحبو جدا ياسمين قامت ومشيت بعد ما ودعتهم
وهي نزله علي السلم يونس قالها : أنا مش عارف اقولك ايه يا ياسمين انا بشكرك جدا انتي اجدع بنت شوفتها
ياسمين : يا سطا مفيش شكر بينا احنا بقينا اهل عد الجمايل بقي
يونس ضحك : طيب يعني أشكرك ولا لا طيب
ياسمين ضحكت : إنت وزوقك بقي وبعدين بصت في تليفونها علي الساعه الساعه ٣ وأنا شيفت الشغل بتاعي ٥ علشان النهارده الخميس انا هركب بقي علشان أروح الشغل تيجي معايا
يونس : لا أنا هطلع أقعد مع أبويا وأمي شويه
ياسمين : علس أساسا هيشوفوك يعني
يونس : مش شرط يشوفوني بس علي الاقل احس انهم حواليه ولما ترجعي من الشغل هتلاقيني مستنيكي في الشقه
ياسمين : سلاموز ياسطا وسابته ومشيت وهو بص عليها وهي ماشيه وابتسم من طيبه قلبها وانها ساعدت حد هي متعرفهوش وفي ثانيه اختفي وبقي عند ابوه وأمه
سمع صوت امه جايه من اوضته دخل لاقها قاعده علي سر.يرو وعماله تعيط وهي ماسكه هدومه وهو بيبي واخر تيشرت كان لابسو قبل ما يمشي
أمه طلعت صور ليه وفضلت تبص فيهم وتبوسهم وهو واقف بيدمع علي منظر امه
دخل ابوه عليها لاقها بتعيط كده حضنها : كفايه عياط بقي يا صباح آنتي كده بتعذبيه
صباح بعياط: مش قادره يا محمود قلبي بيوجعني علي إبني آوي كنت حاسه لما جي هنا إني مش هشوفو تآني يعني هو اتـ،ـقـ,ـتل في نفس اليوم اللي جالنا فيه وإحنا كسرنا بخاطره وعيطت بزياده مش قادره انسي بصت عينه ودموعه وهي نزله يا محمود وعيطت آكتر ويونس واقف يعيط علي عياطها
محمود دمع : إن كمان كان نفسي احضنو آوي ولما قال كده قبل ماينزل ونظره عيني ودمعته وجعتني آوى يا صباح كان نفسي آوي احضنو بس كنت عايز افوقه من إللي كان فيه علي كلام البنت إللي جت هنا إن هو كان سايب الشغل إللي كان فيه ده وكان جي يقولنا بس إحنا إللي مش ادنالو فرصه
أمه بانهيار: يارتني كنت اديته فرصه علي الاقل كان بقي في حضني مكنش حصل إللي حصله يا حبيبي يا بني ربنا يرحمك يا نن عيني ويجعلك من اهل الجنه وعيطت بزياده
يونس عيط وابتسم بسعاده لما سمع دعوه أمه
محمود بدمع : اللهم امين انا هكلم سعد (سعد ده يبقي اخو محمود يعني عم يونس) وتعرفو ونعمل عزا ليونس
صباح : آه آه وأنا هعملو صدقه علي روحو
محمود : ماشي أنا هقوم أكلمه وفعلا قام محمود كلم أخوه وأخوه اتصدم وعيط كتير اوي لانه كان بيحب يونس اوي وكان بيعتبرو صاحبه مش ابن أخوه راح سعد لمحمود وإتصلوا ببتاع الفراشه وجم حطو فراشه في الشارع وكل إللي يسأل يونس مات إزاي يقولو حادثه وعملو العزا واهل يونس كلهم وقفو في ستات ورجاله ويونس بقي واقف يدمع بفرح علشان شاف عيلته كلها قدامه إللي مشفهمش بقالو كتير
وشاف قد إيه بيحبوه وبعد العزا مخلص كله ودعهم وروحو وابو يونس وأمه نامو بتعب وهما بيدعو ليه بالرحمه يونس ابتسم عليهم واختفي وظهر في شقة ياسمين
لاقي ياسمين داخله البيت
يونس : إيه ده إللي رجعك متأخر كده
ياسمين بتعب : كان عندنا عشا لرجل أعمال كبير ومشيو متأخر
يونس : رجل اعمال إسمه إيه
ياسمين : بتسأل ليه
يونس : عادي يعني مجرد سوال
ياسمين بتذكر: اسمه ناصر الصاوي تقريبا
يونس بصدمه : ناصر الصاوي ياسمين ياسمين ناصر الصاوي ده إللي قـ,ـتلني
ياسمين بصدمه : إيه بتهزر
يونس : والله ياسمين هو ده هو إللي قـ,ـتلني
ياسمين : يعني إن هو راجل اعمال وبحب الخير وكده ده قناع مزيف وراه شيطان كده ده أنا ابتديت اصدق إنه محترم فعلا ده اداني ١٠٠٠ جنيه وراحت طلعتهم من جيبها وقطعتهم ١٠٠ حته ده فلوس حرام من واحد شغال في الحرام يارتني كنت حطتله سم في الاكل كان زمانه غار في داهيه
يونس بشك : ياسمين هو اداكي إنتي بس فلوس ولا أيدا حد تآني
ياسمين : لا أنا بس بس ليه
يونس بعصبيه : يبقي هو كده انتي عجبتيه يا ياسمين
ياسمين بخوف : يعني إيه عجبتو
يونس : يعني حطك في دماغو يعني هيضمك لقايمه البنات عندو وخبط علي دماغه بغضب
ياسمين بقلق : احيه يا يونس طب أعمل إيه
يونس : هو أكيد هيدور علي مكانك آنتي ساكنه انتي كاتبه العنوان ده في السي في بتاع الشغل بس حته لو مش كتبه ده مافيا يعني بيعرفو كل حاجه آنتي لازم يبقي معاكي ايمن آنتي تروحيله بكره يا يا سمين وأنا هروح معاكي وهظهر ليه هو مأجر شقه قاعد فيها محدش يعرف عنها حاجه هنروح يا ياسمين
ياسمين : ماشي إللي تشوفه قولي بقي إيه إللي حصل عند اهلك
يونس حكي ليها كل حاجه
ياسمين ابتسمت بدموع : طيب الحمدلله كويس ربنا يخليهم ويرحمك يا يونس
يونس : مخلاص يا ما عرفت اني ربنا يرحمني يلا خشي نامي بقي علشان آنتي تعبانه ولما تصحي هنروح لايمن يلا
ياسمين : اشطا تصبح على خير وسابته ودخلت جوه
يونس قعد بقي يفكر يعمل إيه مع الصاوي
تآني يوم صحيت ياسمين خدت دش وصليت ولبست وخرجت ليونس
يونس : يلا
ياسمين : يلا
ونزلو راحو علي بيت ايمن
ياسمين خبطت وايمن فتح
ايمن : مين حضرتك
ياسمين : أنا يا سمين جيالك من طرف يونس
ايمن بصدمه : يونس
فجأه ظهر يونس قدام ايمن
أيمن بدموع وصدمه : يونس
ايمن بصدمه : يونس
يونس ابتسم بس
ايمن بدموع : خشو خشو
ياسمين ويونس دخلو
ايمن جاي يحضن يونس عداه ولبس في الحيطه وقع علي الارض
ياسمين ويونس اتخضو عليه ياسمين جريت عليه ساعدته يقوم ويونس ضحك عليه بصوت واطي : لسه أهبل زي مانت
ايمن قام مع ياسمين : وحشتني يا صاحبي
يونس باشتياق: إنت آكتر والله يا دكش
ايمن بص لياسمين : هو حضرتك تعرفي بونس منين وبعدين هو ازاي كده
ياسمين : مبدأيا أنا إسمي ياسمين وماجره الشقه بتاعه يونس الله يرحمه بعد ما صاحب البيت إللي كنت ساكنه في مع اهلي الله يرحمهم طردني وروحه ظهرت ليا وبيقول انو مش مرتاح وعايز ياخد حقه من إللي قـ,ـتله وعلشان كده جاين ليك علشان تسعدنا
ايمن بص لياسمين وبعدين بص ليونس
ايمن بدموع : كنت حاسس يا صاحبي إنك مش مرتاح كنت دايما احلم بيك وتجيلي زعلان ومخنوق واكلمك مكنتش بترد كنت عايز اخد حقك بس انا معرفش مين اللي قتـ,ـلك انت ملحقتش تقولي حاجه وو مت
يونس : إنا فعلا مش مرتاح يا ايمن إللي قـ,ـتلني ناصر الصاوي
ايمن بصدمه : إنت بتهزر ده كان بره مصر
يونس بنفي : لا رجع واول مارجع غدر بيا انا انا مش عارف قتـ,ـلني ليه أساسا ده مكنش بيطيق البوص فجأه كده بقي بيحبو
ايمن : أو ممكن يكون قتـ,ـلك مش من حبه في البوص لا علشان يبعدك عن طريق المافيا واكيد لما وصلو انك عايز تنسحب كلنا عارفين إن الصاوي بيحقد عليك علشان إنت كنت اهم فرد في المافيا كنت بتقوم بعمليات محدش بيعرف يقوم بيها كان بيكرهك بس إنت مكنتش وأخد بالك كلنا كنا واخدين بالنا معدا انت وهو خدها فرصه وخدك على خوانه
يونس بغل : أنا عايز أخد حقي يا آيمن
أيمن : معاك يا صاحبي
يونس : آه صح إمبارح كان موجود في المطعم اللي ياسمين بتشتغل فيه وشكله كده عينه بقي فيها ياسمين أيدها ١٠٠٠ جنيه هي بس وشكلها كده دخلت دماغه
ايمن بصدمه : لا يا جدع يبقي معقول هي إللي عليها الدور السنادي
ياسمين بخوف وعدم فهم :يعني إيه مش فاهمه
ايمن ويونس بصو لبعض وبعدين يونس قال لياسمين: كل سنه الصاوي بيروح أماكن مختلفه بيشوف بنات جميله وفيها الملامح الشرقيه الاصيله يعمل زي مانعمل معاكي كده وعلشان هو شاب ووسيم في البنات بتبقي هتمو.ت عليه هو بيصتاد إللي تخش دماغه يفضل يلعب عليها ويخش عليها بجو الحب والهدايا والفسح والحوارات دي لو البنت يتيمه يعمل كده وبالتالي الدنيا بتتساهل معاه علشان هي معندهاش حد يسأل عليها ولو البنت عندها أهل يخش عليهم بأنه الشاب الطيب اللي مش بيعمل الغلط ورجل الأعمال المحترم إللي مفيش منو آتنين ويغرقهم بالفلوس بعد كده يضحك عليهم لحد ما ياخد بنتهم ويعمل فرح ويأجل ناس تعمل أبوه وأمه وأهله وكده وياخدها بعد كده ويسافر ياخد إللي عايزة منهم وبعدين يرميها ويبيعها قطع غيار أو قاطعته ياسمين : يعني إيه قطع غيار
ايمن : يعنى لتجاره الأعضاء
ياسمين شهقت بصدمه وخوف ويونس كمل : أو يختفي ويسبها للمافيا تحطها في الدعاره وبقي كل سنه كده علشان ميلفتش انتباه حد ليه واخر مره باع البنت للدعاره المرادي لو آنتي عبيطه ومكنتيش قولتي كان زمانك دلوقتي متقطعه
ياسمين بخوف : يا خرابي ده إزاي ده ده معندوش دم ده مش بني أدم ده وحش
يونس بسخريه : واحد في المافيا عايزاه يطلع ايه مصلح اجتماعي
ايمن : طب هنعمل اية يا صاحبي دلوقتي واهلك هنعمل فيهم إيه أنا سقطهم خالص
ياسمين ويونس بصو لبعض بعد كده بصو لايمن ويونس حكي كل حاجه لايمن
ايمن بدموع : ربنا يصبرنا علي فراقك يا صاحبي
ياسمين : أنا أول مره أشوف حد بيدعي لحد ميـ,ـت وهو واقف قدامه بجد حاجه موردتش علي حد قبل كده
ايمن ويونس ضحكو : ولا إحنا بصرآحه
يونس لايمن : ايمن انا جاتلي فكره
ايمن : إيه هي يا صاحبي
يونس: إحنا هنخلي ياسمين تلعب علي ناصر
ياسمين بخضه وصدمه : نعم نعم يا عمرررر بتقول إيه مين ياسمين
يونس : انتي هو في ياسمين غيرك
ياسمين : وأنا مالي يا أخويا بترميني إنا في وش هولاكو ده
يونس : ماهو انتي اللي هتجيبي رجلو يا ياسمين
ياسمين : أجيب رجل مين ده هو إللي هيجيب كرشي يا عم شوفلك حل تآني غير ده قال العب عليه قال ده لو عملت كده هبقي جيم أوفر قبل الماتش ما يلعب أصلا أنا منسحبه نازل لاعب تآني مكاني
يونس : لاعب تآني إيه يا ياسمين آنتي إللي عليكي العين
ياسمين : بلا عين بلا ودان الكلام ده لا يمكن يحصل
بعد ١٠ دقايق
يونس : ها فهمتي كده
ياسمين وهي بتشرب كوبايه عصير الليمون: فهمت فهمت يا يونس ده عدت الخطه ٣٠٠٠ مره لحد دلوقتي
يونس : ماهو انتي غبيه وممكن تودينا في داهيه
ياسمين بصتله بضيق: إنت مش ملاحظ إن إنت من ساعه ما شوفت خلقة امي وانت نازل شتايم انت خدت عليا آوي علي فكره
يونس وايمن ضحكو
ايمن بضحك : خلاص يا سمين حقك عليا أنا
يونس لايمن : وإنت خلي عينك عليها ومتسبهاش وإنت كمان هفضل معاكو بس أنا مش هعرف أعمل حاجه أنا هبقي متفرج بس
ايمن وياسمين هزو دماغهم بمعني ماشي
ياسمين : طيب ها هنبدأ أمتي
يونس : لما تنزلي شغلك هو أكيد هيجي تآني المطعم علشان يشوفك
ياسمين : اشطا علي بركه الله
ايمن : اهم حاجة مش عايزك لما تشوفيني تتوتري عايزك كأنك لسه متعرفنيش علشان أنا هظهر معاه كتير تمام
ياسمين : تمام
ايمن : وكمان عايزك تتكلمي معاه بكل ثقه مش كانك فاهمه دماغه اعملي عبيطه علي اي حاجه يقولك عليها وانا هبقي في ضهرك دايما ويونس بردو مش هيسيبك وهيبقي معاكي اوعي تخافي
ياسمين هزت دماغها وقالت : ماشي ربنا يستر
يونس : تمام كده تبدأ الخطه……..
بعد يومين ياسمين كانت واقفه قدام المرايه بعد ما خلصت لابس ويونس كان قاعد علي السر.ير وراها
ياسمين بدلع أهبل : أهلا يا باشا ممكن نتعرف هييييييي هيييي علي فكره أنا لهلوبه وممكن اخدمك آنت متعرفنيش أنا إسمي ياسمين لو عايز تقولي ياسي معنديش مشكله اي حاجه تطلع منك حلوه ممكن رقم تليفونك هيييي ولا التقل صنعه ولا اية ده حتي قاطعها يونس بصراخ : باااااااااااس يخربيتك إيه العبط ده
ياسمين بضيق: الله بتدلع بلاش
يونس بقرف: ده دلع ده وبعدين تدلعي ليه أصلا متخليكي بطبعتك بطلي تخلف
ياسمين بعصبيه مسكت ازازه البرفان وحدفته بيها مجتش فيه عدت من جواه عادي
يونس ضحك لأنها مجتش فيه : إنتي هبله مفيش حاجه هتأثر فيا إنا شبح يا هبله يام رأس جموسه
ياسمين بعصبيه : يابني بطل قله أدب إنت ابييييييييه طب اضربك إزاي دلوقتي أطلعك من التربه اضربك وادخلك تأنى محترم نفسك بقي يا جدع تأنى لاما وديني باقعد ومش هروح في حته ها ماشي
يونس ضحك علي عصبيتها : خلاص يا هب قصدي يا ياسمين خلاص يلا بقي علشان ننزل
ياسمين : لو سمحت بلاش أي هبل هناك علشان الموضوع يعدي علي خير لو تكرمت
يونس بصلها : ده أنا الكلام ده ليا إنا حاضر حاضر يا ماما ياسمين مش هبوط حاجه بغبائي إللي هيوديني في داهيه في يوم من الايام حاضر ممكن نمشي بقي
ياسمين بصتله بغضب وهو ضحك ونزلو
بعد شويه وصلت المطعم اللي شغاله فيه وراحت مكان ما بيلبسو اليونيفورم بتاعهم
ياسمين داخله ويونس وراها قالتله : نعم
يونس بعدم فهم: إيه
ياسمين: أتفضل معايا
يونس : مانا هتفضل فعلا
ياسمين بتهدي نفسها : تتفضل فين معلش
يونس :داخل معاكي في حاجه
ياسمين : داخل معايا فين أنا داخله أغير
يونس : طب ما عادي إيه المشكلة
ياسمين وهي بتبصله بشلل : إنت هتشلني يا جدع إنت أنا داخله أغير هتخش معايا
يونس خد باله وضحك : طب ما عادي مانا ياما شوفتك قاطعته ياسمين غضب: إيه شوفت إيه شوفت إيه يخربيت معرفتك
يونس ضحك جامد : يابنتي بهزر انا اخر حاجه كنت افكر فيها الستات أساسا
ياسمين : آه اذا كان كده ماشي جت واحد زميلتها في الشغل من وراها : ياسمين إنت بتكلمي مين
ياسمين اتخضت وقالت بتوتر: لا يا هبه يا حبيبتي مفيش مش بكلم حد ده بفكر بصوت عالي
هبه : آه طيب ماشي يلا علشان متتاخريش علي الشغل واه إعملي حسابك رجل الأعمال ناصر الصاوي ده جاي النهارده علشان عندو عشاء عمل ماشي
ياسمين بلعت ريقها وبصت ليونس ويونس بصلها كأنه بيطمنها : ماشي يا هبه أنا داخله البس بقي ماشي
هبه : ماشي أنا طلعه بقي
ياسمين : ماشي وبعدها هبه مشيت
يونس : بص أهو فرصتك جت وهو جاي انهارده
ياسمين بقلق: ماشي ربنا يستر أنا داخله البس بقي ودخلت
يونس قعد علي الكرسي اتنهد تنهيده خفيفه
بعد شويه يا سمين خرجت وكانت لبسه اليونيفورم
يونس شافها قام ابتسم لما شافها : تصدقي آول مره اشوفك باليونيفورم شكلك حلو
ياسمين ابتسمت بكسوف : شكرا ده من ذوقك
يونس ابتسم من كسوفها وفضل باصص ليها شويه
ياسمين أخدت بالها واتكلمت بكسوف : احم احم طب مش يلا بقى أنا عندي شغل
يونس فاق : طيب روحي
ياسمين خرجت تشوف شغلها وطول اليوم بقت تروح وتيجي علي الزباين ويونس كان متابعها بأبتسامه لحد ماجه المعاد إللي هيجي في ناصر وياسمين كانت متوتره آوى شويه وناصر دخل هو الوفد اللي هيتعشو معاه وكان معاهم ايمن صاحب المطعم استقبلهم وبعدهم علي التربيزه بتاعتهم المخصوصه
ياسمين شافته ارتبكت وعرفت وبقي قلبها يدق جامد من الخوف ويونس بص ليها وقال : جاهزه يا بطله
ياسمين : إنت ليه محسسني إني رأفت الهجان وفي مهمه لمصر ده ايه هو ده
يونس ضحك عليها : احلي من رأفت الهجان والله
ياسمين : نعم ؟
يونس بتوتر: لالا ولا حاجه يلا روحي بقي علشان المدير جاي
المدير جه لياسمين : يلا يا ياسمين روحي علي ترابيزه ناصر باشا ده طلبك مخصوص
ياسمين بتوتر : حاضر يا فندم جايه المدير مشي وياسمين لفت ليونس
ياسمين بخوف : يونس أنا خايفه
يونس وهو بيطمنها : متخفيش ايمن معاكي وأنا كمان معاكي يلا روحي
ياسمين خدت نفسها : طيب ومشيت راحت علي ترابيزة ناصر وهي بتاخد نفسها بخوف
وصلت التربيزه وغصبن عنها بصت لايمن وايمن بصلها بتحذير بعينه وغمضها كأنو بيطمنها يعني ياسمين بتبتسم بالعافيه : نورتنا يا ناصر باشا
ناصر بصلها بخبث وإعجاب :بنورك يا قمر
ياسمين بصتله بغضب مكتوم وقرف و حاولت تبتسم : تسلم يا فندم حضرتك هطلب إيه
ناصر طلب وشاف الوفد يطلب اية وقال لياسمين
ياسمين : تمام يا فندم ربع ساعة والاكل يبقي عند حضرتك
ناصر بأبتسامه : خدي رحتك انا مش مستعجل
ياسمين ابتسمت ابتسامه مطلتش عنيها واستاذنت ومشيت
دخلت قالت للطباخ على الطلبات وهي مش طايقه نفسها يونس جه من وراها : معلش استحملي كل هيعدي بس انتي خلي بالك
ياسمين بغضب وبصوت واطي : ده وهو بيتكلم كنت عايزه امسك السكينه ارشقها في زوره بنادم مستفز وكلح وقليل الادب آه لو مكناش في اتفاق كان زماني اديته من المنقي بطيخ
يونس ضحك : هي مش كانت خيار بيني
ياسمين بغرور أهبل : لا مانا حبيت احط التاتش بتاعي
يونس ضحك علي هبلها
الطباخ بصوت عالي : ياااااااااسمين
ياسمين بخضه: إيه ياعم خالد خضتني في إيه
خالد الطباخ : يابنتي عماله انادي عليها بقالي كتير بنادي عليكي وإنتي بتكلمي نفسك سلامه عقلك يا بنتي
ياسمين بصتله بلوي بوق : مفيش ياعم خالد مفيش الطلبات خلصت
الطباخ : آه نادي الشباب ياخدوها معاكي
ياسمين : تمام وندت علي الشباب إللي شغلين معاها خدو الطلبات وهي خدت الباقي وحطو الاكل علي التربيزة بتاعه ناصر وماشيو
ياسمين لناصر: حاجه تاني يا فندم
ناصر بأبتسامه : لا شكرا لما نخلص اكل هنطلب الحلو وياريت يبقي حلو زيك كده
ياسمين بصتله وفجاه مسكت طبق الاكل لبسته في وشو ونطت علي التربيزه ومسكتو من رقبتو وقالت بزعيق : بقولك ايه يا زفت انت انا مش طايقه إللي خلفوك إنت تحترم نفسك بدل ما زعلك فاهم وراحت مسكت كوبايه و كسرتها فوق دماغه وهو صرخ وهي نزلت من علي التربيزه بأبتسامه انتصار : أحسن تستاهل
فاقت ياسمين من تخيلها علي صوته ( هيه هيه وضحكت عليكو ????????????)
ناصر : أنا ياسمين
ياسمين : احم ايوه ايوه يا فندم
ناصر: مالك سرحتي في إيه
ياسمين : ولا حاجه يا فندم بعد اذنك
ناصر : اتفضلي
ياسمين مشيت وراحت مطرح ما يونس واقف
يونس : إنت سرحتي في اية
ياسمين : أنما أنا يا واد يا يونس شوفت حته تخيل تحفه
يونس : شوفتي إيه
ياسمين حكتلو يونس ضحك
يونس بضحك : هو ده إللي إنتي عايزه تعمليه أنا حاسس ياسمين ضحكا وقالت : والله آه وكملو ضحك بعد شويه ناصر طلب من ياسمين إنها تجبلو الحلو وياسمين جابتو وكلو وبعد ساعه ابتداو يمشو قبل ما ناصر يخرج من المطعم نده ياسمين ياسمين رحتلو
ياسمين : أفندم يا ناصر باشا
ناصر : لالا بلاش ناصر باشا دي خليها ناصر بس
ياسمين : ياباشا مينفعش العين متعلاش عن الحاجب
ناصر بأبتسامه : لا معايا أنا تعالي وبعدين طلع من جيبه الكارت بتاعه
ناصر وهو بيديها الكارت : ده الكارت بتاعي وهبقي سعيد آوي لو كلمتيني
ياسمين خدت منو الكارت بالعافيه طبعا وقالت بأبتسامه مصطنعه: أكيد يا ناصر ب قاطعها ناصر : بلاش بيه بقي
ياسمين بأبتسامه مصطنعه: ناصر
ناصر ضحك: ايوه كده هستني مكالمتك سلام ومشي
ياسمين بصت عليه بقرف وتفت عليه
ياسمين : ابو اللي جابك
يونس جه وقف جمبها : ادي أول جزء في الخطة حصل نرسم بقي لباقي الخطه ياسمين بصتله وهز دماغها بهدوء
يونس بيبص علي اثر ناصر بغل وهو بيتوعد ليه بالكثير والكثير
يتبع……….
روحت ياسمين بيتها بعد يوم طويل في المطعم وغير كده زياره ناصر
دخلت الاوضه طلعت بيجامة مريحه ليها وخرجت اترمت علي السر.ير نامت بارهاق من غير حته ماتاكل حاجه
يونس دخلها وراح نحيه السر.ير قعد علي الارض : ياسمين
ياسمين بنوم : هممممم
يونس بأبتسامه : قومي يا ياسمين علشان تاكلي طيب
ياسمين وهي بتنام علي جمبها واديته ضهرها: بكره إن شاء الله بكره
يونس : هو إللي بكره يابت قومي علشان تاكلي
ياسمين ولا كأنها هنا نامت نوم عميق
يونس ابتسم عليها وبص عليها شويه وبعدين خرج من الاوضه
صباح يوم جديد كانت ياسمين لسه نايمة المنبه بتاعها رن( أبو احمد خدني الكوافير أبو احمد دفعتو كتير)
ياسمين قامت بنعاس وقفلت المنبه : أبوكى لأبو احمد علي الصبح قامت بكسل وربطت شعرها وخرجت من الاوضه وهي بتطوح شمال ويمين
يونس كان قاعد علي الكنبه بصلها و قال بسخريه : وشربت حجرين علي الشيشه
ياسمين اتخضت : ياما عفريييييت
يونس : يامي يامي يامي خاف يا عيد آنتي عبيطه يابت
ياسمين خلاص جابت أخرها من لسان يونس الطويل :يا ولي الصابرين يونس اطلع بره
يونس : شقتي
ياسمين بعصبيه : كانت شقتك يا مرحوم
يونس بضحك مكتوم علي منظرها : والله أنا حر أقعد في الحته إللي تعجبني ليكي فيه
ياسمين بصتله بغضب وسكتت ودخلت المطبخ
يونس ضحك بصوت واطي ودخل وراها لاقها بتعمل الفطار
يونس : انتي مش هتروحي الشغل ولا إيه
ياسمين : تؤ واخده اجازة
يونس بأستغراب : ليه
ياسمين بتعب : تعبانه
يونس بقلق: ليه حاسه بآيه
ياسمين بدوخه: حاسه إن الدنيا بتلف بيا مروحه مروحه مروحه
يونس :علشان ماكلتيش حاجه من إمبارح صحيتك قولتلك كلي انتي اللي مش رديتي تقومي عجبك منظرك ده
ياسمين بتعب : متقلقش هاكل وهاخد دوا صداع وهبقي كويسه
يونس : طيب فوقي كده علشان تكلمي الزفت ده
ياسمين لفت مره وآحده لدرجه إن يونس اتخض وهي بتخبط أيديها في بعض بتردح يعني وقالت بصوت عالي : آه قول كده بقي يا مصلحنجي إنت عايزاني أقوم وابقي كويسه علشان خاطر انفذ الخطه بتاعتك طب وربنا يا يونس يابن صباح لأكل حلاوه عليها شطه علشان اتعب اكتر انا بسمع ان الموضوع ده بيتعب يعني مش هكلم حد غير بمزاجي ياعالم يا شحاته يا ميـ,ـت يا مييييييييت
يونس فضل ببصلها بصدمه وفاتح بوقه
ياسمين بصتله : اوعي اقفل بوقك علشان الدبانه متخشش
باب الشقه خبط بصت ياسمين ليونس لقيته لسه فاتح بوقه شوحته بإيدها ليه وراحت تفتح الباب
ياسمين فتحت الباب شافت وآحده واقفه بنقاب
ياسمين بأستغراب : مين حضرتك
الست سابتها ودخلت ياسمين حريت وراها بغضب : انتي يا ست آنتي آنتي داخله بيت ابوكي خدي هنا يا وليه انتي
الست رفعت النقاب
ياسمين اتصدمت : يا خربيت أمك إللي إنت عملو في نفسك ده
ايمن بضحك : يخربيت لسانك إللي متبري منك ده
ياسمين وهي بتقفل الباب :ما نت فاجئتني بصرآحه أنت فظيع يعني حد يعمل كده
ايمن : مش أنا عملت كده
ياسمين : آه
ايمن : يبقي فيه
ياسمين بقرف : يا تقل دم أمك
ايمن بصدمه : إنت إيه يا بت انتي ده آنتى بقي لسانك طويل كده أمتي
ياسمين بسخريه : من عاشر القوم بقي وراحت شاورت علي يونس إللي لسة زي ماهو
ايمن بص ماطرح ماشورت شاف يونس فاتح بوقه ومتنح استغرب وبص لياسمين : إيه ده هو ماله
ياسمين حطيت ايدها علي دماغها بتعب ودوخه : صدمته بس مش آكتر
ايمن : صدمتيه إزاي يعني و قاطع كلامو لما شافها ماسكه دماغها قال بقلق: مالك يا ياسمي قاطع كلامو لما اغمي عليها جري عليها بخضه:ياسمين ياسمين ويونس فاق علي صوت ايمن لما قال اسم ياسمين جري عليها هو كمان وايمن شالها دخلها اوضتها
يونس بقلق: نجبلها دكتور يا ايمن
ايمن : نجبلها إزاي وأنا شاب كده قاعد معاها بص إستني ايمن لبس النقاب وخرج من الشقه خبط علي الشقه إللي جمبو فتحت ست كبيره
الست : خير يا حبيبتي انتي مين
ايمن بيعمل صوت بنت هو بارع في كده : معلش يا طنط أزعجت حضرتك أنا جاية أزور صاحبتي ياسمين إللي في الشقه اللي جمب حضرتك وهي اغمي عليها وانا مش عارفه اعمل ايه ولا اجيب دكتور منين ساعديني لو سمحتي
الست بخضه : يا حبيبتي يا بنتي انا بنتي دكتوره إستني اصحيها إستني ودخلت الست تصحي بنتها
الست : صبا صبا
صبا بنوم : إيه يا ماما بتصحيني بدري ليه كده
أمها : قومي يا بنتي ياسمين جرتنا أغمي عليها وصاحبتها جت عايزاكي تشوفيها
صبا قامت بسرعه وهي بتلبس الاسدال : يا حبيبتي دي غلبانه آوي ناوليني الشنطه بتاعتي يا ماما أمها ناولتها الشنطه وخرجو لايمن إللي انبهر لما شاف جمال صبا
صبا حلمي : ٢٧ سنه دكتوره عيونها زيتونيه وبيضه بياض التلج وخدودها حمرا طبيعي شفايفها كريز ومحجبة وشعرها بني فاتح وجسمها رشيق وطيبه آوي وبتحب الخير بس لما حد يجي عليها بتبقي مشالله نمر مفترس
ام صبا لأيمن : يلا يا بنتي نخش لياسمين
ايمن لسه متنح في صبا
ام صبا : يا حبيبتي
ايمن فاق لنفسه وكان هيتكلم بصوته الحقيقي بس إفتكر انو عامل ست : احم احم أسفه معلش يلا بينا ودخلو عند صبا بس يونس مكنش موجود معاها
صبا ابتدت تكشف علي ياسمين بعد شويه خلصت
ايمن بصوت بناتي: ها يا دكتوره مالها
صبا : هي عندها حمي شديده شكلها خدت دش سخن وخرجت في الهوا أنا أديتها حقنه تنزل الحراره شويه و هكتب ليها دوا تخده في الميعاد وشويه وهتفوق بس لازم تعمل كمادات طول الليل علشان دي هتساعد في تنزيل الحراره مع الدوا صبا كتبت الروشته واديتها لايمن وهو شكرها وامها قالت : أنا هخش أعملها أكل تسند طولها بيه أصلها يا حبه عيني شكلها مكلتش حاجه
ايمن : ملوش لزوم يا طنط مش عايزين نتعب حضرتك أنا هقوم أعملها
إم صبا : لا مفيش تعب ولا حاجه يا بنتي دي ياسمين دي زي بنتي بظبط بس هو آنتي إسمك اية يا حبيبتي
ايمن بتوتر : ها اسمي اسمي سوزان يا طنط سوزان
إن صبا بأبتسامه : عاشت الاسامي يا حبيبتي بعد اذنك بقي هروح اعمل الاكل
ايمن : اتفضلي يا طنط
أم صبا مشيت
وبقيت صبا مع ايمن : أنا هخش أجيب ميه علشان أعملها كمادات
ايمن : مش عايزين نتعبك يا حبيبتي انا هعملها
صبا بأبتسامه جميله : لا مفيش تعب ولا حاجه ده واجبي ودخلت المطبخ
أيمن بص ناحيتها وسرح في ضحكتها : يخربيت ام ضحكتك ايه القمر ده
ايمن فاق وبعدين قال : احم احم ممكن معلش تخليكي معاها لحد مانزل اجيب ليها الدوا
صبا بأبتسامه جننت ايمن اكتر: اكيد طبعا بس هتعرفي تلاقي صيدليه هنا
ايمن : آه شوفت وآحده وأنا جايه قريبه هجيب منها
صبا برقه : ماشي حبيبتي
ايمن جري علي تحت قبل ما ينهار قدام رقت صبا
وصل الصيدله
ايمن نسي انو لابس نقاب واتكلم بصوته الرجولي : أنا عايز الدوا اللي في الروشته ده من فضلك
دكتور الصيدليه بصلة بصدمه من صوته واستغرب ايمن خد بالو وغير نبره صوته علطول
ايمن : احم كح كح كح معلش كح كح زوري وجعني شويه معندكش حاجه للزور ونبي ينوبك ثواب وكمان جبلي الدوا إللي في الروشته ده
الدكتور بأبتسامه : أكيد طبعا ثانيه واحدة الدكتور دخل يجيب الدوا
ايمن نفخ وهو بياخد نفسو : اوف إللي أنا عملتو ده كنت هروح في داهيه بعد كده حط أيده علي النقاب بخنقه : مش عارفه بيستحملوه إزاي ده حاجة قرف وفضل يشد فيه فجاه الدكتور طلع وايمن اتخض وعمل نفسو بيعدل النقاب
الدكتور بأبتسامه : اتفضلي يا انسه هو حضرتك انسه ولا مدام
ايمن بصوت انوثى وهو بياخد منو الشنطه : انسه يا أخويا انسه
الدكتور بص علي جسمه إللي مليان عضلات : بس حضرتك جسمك مش جسم ست أبدا
ايمن بتوتر: آه منا بروح الجيم آتنين وخميس وملتزمه آوي زي الصيام كده
الدكتور بأستغراب : طب حضرتك منقبة بتروحي جيم ليه
ايمن في سرو : لا ده انت راجل رخم بقي رجع بعد كده قال بصوت انوثى : عادي يا أخويا هو أنا علشان منقبة مش يبقي ليا نفس اروح الجيم ولا إيه حسابك كام بقي علشان البت إللي هتمو.ت فوق دي
الدكتور قاله الحساب ايمن نسي وطلع الفيزا بتاعته
الدكتور مسك الفيزا ودفع وبعد كده بص فيها : هو مين ايمن ده حضرتك
ايمن : ها ايمن ايمن جوزي جوزي
الدكتور : جوزك إزاي يا فندم وحضرتك بتقولي أنك انسه
ايمن : ها آه ماهو ماهو جوزي في الرضاعه بقي
الدكتور : في الرضاعه إزاي يعني يا فندم
ايمن وهو بياخد منه الفيزا : زي السكر في الشاي يا أخويا هات بقي وبعد كده خرج من الصيدليه
ايمن بضيق : ابو اللي جابك دكتور غتت
وبعد كده طلع لشقه ياسمين لاقي صبا بتعملها كمادات
ايمن : شكرا ليكي جدا يا دكتوره
صبا بأبتسامه : الشكر لله أنا معملتش حاجه ده واجبي الحراره نزلت شويه الحمدالله أنا هستاذن بقي وهبقي اجي نص ساعة كده أنا وماما تكون فاقت علشان تاكل وتاخد الدوا وتخلي بالك منها ويستحسن إنك تباتي معاها ولا حضرتك عندك مانع علشان هي لازم تعمل كمادات بليل علشان الحراره تنزل خالص
ايمن : لا لا ابدا حبيبتي هبات وهشيلها في عيني انتي متعرفيش هي غاليه عليا آوي
صبا : ربنا يخليكو لبعض بعد اذنك بقي
ايمن : اتفضلي صبا خرجت وقفلت الباب وراها
يونس فجأه ظهر وقال لأيمن : الحب يا أمير
ايمن اتخض : خضتني ياعم
يونس : فوق يا باشا إحنا هنا في مهمه
ايمن : مش عارف إللي حصلي يا يونس لما شوفتها حسيت بحاجه حلوه كده لما بس اتكلمت معايا
يونس : ادعي ربنا انو ميكونش اللي في بالي علشان مينفعش خالص دلوقتي
ايمن : ليه يعني مينفعش
يونس : إنت ناسي الانتقام ولا إيه
ايمن : سابها علي الله
يونس : ونعم بالله وبعد كده قال بضحك : بس شكلك وانت عامل صوت بنت كان يمو.ت من الضحك وضحك
ايمن بضحك وغمزه : عجبتك صح
يونس بضحك : جدا بصرآحه
ايمن : لا هحكيلك علي حاجه حكاله علي موقف الصيدليه يونس فضل يضحك عليه وهو كمان كان بيضحك
يونس بضحك : جوزي في الرضاعه ده إزاي ده
ايمن بضحك : معرفش بقي انا لاقيت نفسي بقولو كده ده كان نازل اسأله ولا وكيل النيابة
يونس ضحك وبعد كده بطل ضحك وقال : هتفوق أمته
ايمن : بعد نص ساعه كده
يونس هز دماغه وفضل هو وايمن قاعدين مع بعض لحد ما ياسمين تفوق
يتبع……..
